٩ إشيا فيكن تعملوها بالعاقورة

العاقورة من أجمل ضيع لبنان وبيحرز المشوار عليا، تعوا نتعرف سوا على أبرز الأماكن السياحة بهل الضيعة المميزة.

1. مغارة رويس

مغارة رويس كتير حلوي وهي أكبر تالت مغارة بلبنان تكونت من المي بس.

2. نهر العاقورة

نهر العاقورة من أجمل المحلات لي فيكن تتسبحوا فيا وتاخدوا أجمل الصور: المي نقية ونضيفة وصوت الشلال بيغمر دينيكن.

3. تخييم

إذا عبالكن تخيموا أو تتمشوا بالجرد، العاقورة من أجمل المواقع لي ممكن تشوفوا فيا النجوم وتقضوا فيا الليلة.

4. الآثار المارونية

هل ضيعة بتعج بالكنايس الأثرية وفيها 42 كنيسة مارونية ومن بين هل كنايس كنيسة مار بطرس وبولس لي هي من أقدم كنايس لبنان.

5. تلة سيدة الحبس

تلة سيدة الحبس بطل على الجبل كلو والمنظر من فوق بياخد العقل وخاصةً وقت المغيب.

6. المشي بالأحيا القديمة

المشي بين البيوت والشوارع القديمة واكتشاف الضيعة من أجمل النشاطات لي ممكن تعملوها بالعاقورة: حضروا حالكن، أكيد رح يعزموكون على القهوة.

7. الطريق الروماني

هل ضيعة فيها كتير تاريخ وأثارات وبجنوب العاقورة، في الجسر الروماني الشهير لي بيوصل على المغارة من أقدم الجسورة بلبنان وخرج تاخدو في أجمل الصور.

8.أكل لبناني جبلي

فيكن تاكلوا أطيب أكل لبناني وبأحضان الطبيعة وبين الجبال ووالوديان وتستمتعوا بالهوا النقي واللقمة الشهية.

9. تلة الصليب

تلة الصليب بطل على الضيعة كلا وعلى برك المي، فيكن تريحوا أعصابكن وتاخدوا معكن شي تشربوا والمنظر ساحر خاصةً وقت المغيب.