١٥ شغلة عم يتحسر عليا كل لبناني حالياً

لبنان مصيبة بحد ذاتو، كل شي في حزين حتى الفرح في صار حزين وفي غصة.

هاي 15 شغلة عم يتحسر عليا كل لبناني حالياً:

1- شوفة الأصحاب والقرايب عم بغادروا البلد: وأبشع شعور إنو لي بقيو أقل من لي فلو.

2- شوفة أهلك عم بعصبوا ويتوتروا من الوضع: وقلبك يحترق لأنك مش قادر تعمل شي.

3- مش قادر تركز على شغلك أو درسك: المشاكل كتيرة وهمومك عم تأثر عليك وحتى مستقبلك مش مضمون.

4- ما تقدر تنام لأن ما في كهربا: توعى عم تصفي وتيابك مي لأنك ما فيك دور الآيسي.

5- تلاقي كل محلاتك المفضلة سكرت ولي ما سكر عم بفكر يسكر.

6- تشوف سيارتك فاضية من البنزين وما إلك يومين مفولها وما تعرف شو عم بصير بالبنزين ولي عم يتبخروا بسرعة البرق.

7- تروح على قهوة حد بيتك لتشتغل وتستعمل الإنترنت وتكتشف إنو ما عندن لا كهربا ولا إنترنت ولا حتى ضو.

8- حتى مشاوير الليل بالسيارة نحنا وعم نسمع أغانني نحرمنا منن من ورا أزمة البنزين والطوابير والغلا لي ما إلو حدود.

9- تكتشف إنو صار الوقت تفل وما تطلع لورا، صار الوقت تبلش حياة جديدة وتترك عيلتك وكلبك لي بتحبو كتير.

10- تروح لتاكل شاورما عند أبو جوزيف تلاقي ما عندو شاورما.

11- تقعد بالطابور فوق ال4 ساعات تحت الشمسات وبالشوبات لبل الآخر يقولولك سكرنا: جرب حظك مرة أخرى.

12- البراد فاضي لأن ما عم تجي الكهربا وما فيك تخزن أكل.

13- ما فيك تروح لمحل لأن البلد خربان وكلو مسكر وما حدا معو بنزين.

14- تتحسر على الإشيا لي كان فيك تعملها إيام ال1500 بس أجلتها لأن ما كان وقتا وكنت ناطر لتظبط الأوضاع شوي.

15- وأبشع شعور لما تتأكد إنو لبنان بحياتو ما رح يرجع والشمس ما رح تسطع: يمكن تبكي بس أكيد دموعك ما رح تغير شي.