أطيب ترويقة بلدية من هيدا المحل المميز

صباحو! عبالك ترويقة غير شكل عبوكرة الصبح؟ ما إلك غير تتوجه صوب فرن مرشاق لأن عندو رح تلاقي كل شي في مناقيش وفطاير.

بلش نهارك مظبوط وتوجه صوب البترون وميل عند مرشاق، رح تلاقي عندو كل أنواع المعجنات وبعض الإختراعات الطيبة كمان متل منقوشة الزعتر بالبندورة والبصل، الجبنة والسجق، منقوشة الكفتا لي كلا نكهات، منقوشة الفيتا، وحتى منقوشة البيض بسجق. شو رأيك بمنقوشة البيض بأورما؟

وإذا كان عبالك حلو ما في لزوم تعتل هم، لأن طلبك موجود عند مرشاق، ما إلك غير تطلب منقوشة شوكولا أو صاروخ الشوكولا لي بيجي معبا شوكولا وأكيد رشة حبّ.

شي مرة مجربين صاروخ بالعجين؟ شي كتير لذيذ وبدوب بالتم.. يعني بيجي طبقتين ليسد جوعك منيح.

شو أطيب شي؟ أكيد كل شي طيب بس طعم الجبنة السايلة مع الزعتر ما فيك تنسي بحياتك… ولا أطيب!