مين عبالوا مشوار بيكنيك وقعدة بالطبيعة بفي الشجر بالبرودات؟ لحقوا حالكن قبل ما تبلش الشتوية ويتغير الطقس، وجربوا هل 6 محلات بالمتن.
1- رايز أدفنتور، زندوقة
محل كتير حلو محاط بالأشجار وإذا مش جايبين كل غراضكن بتلاقوا عندن كل شي. القعدة بتجنن ومنظر الطبيعة بيفتح النفس.
التليفون: ٣٣٣ ٣٨٣ ٧٠
2- أرصون فيلادج، أرصون
عبالكن قعدة تحت المخيمات وشوية مغامرات؟ توجهوا صوب أرصون فيلادج بأرصون واستمتعوا بالهوا الخريفي وفي الشجر.
التليفون: ١١١ ٢٢٦ ٧١
3- هيل هوت، الخنشارة
هل هوت مكان مميز فيكن تحتفلوا في بجميع مناسباتكن وفيكن تعملوا بيكنيك كمان. محل مثالي للعيلة خاصةً إذا في ولاد.
التليفون: ٧١١ ٧٥٧ ٧٠
4- سوينغز، زرعون
سوينغز محل مثالي للبيكنيك ولتروقوا أعصابكن بالطبيعة وتسترخوا. وإذا مش جايبين معكن أكل، فيكن توصوا عندن والأكل كتير طيب، وفي أرغيلة كمان.
التليفون: ٦٤٨ ٧٩٦ ٠٣
5– ذي 3 فارميرز، مجدل ترشيش
محل مميز وموجود بأعالي المتن ومحاط بالطبيعة. عندن صاج وقعدة رواق فيكن تعملوا أحلى بيكنيك وتولعوا نار وتاكلوا صاج إذا بدكن.
التليفون: ١٦٧ ٣٩٤ ٠٣
6- لا بوهيم، مار موسى
لا بوهيم محل مثالي للعيلة، فيكن تعملوا بيكنيك وجيبوا أكل وعطول في نشاطات للولاد.
التليفون: ٦٤٧ ٤١١ ٠٣