شي مرة سامعين بمنقوشة راس عصفور؟ جربوها عند هيدا المحل!

ما في شي أطيب من منقوشة ذا ليبانيز بايكري. هيدا المحل ببيروت عم يعمل إختراع اسمو منقوشة أوارما، وهي عبارة عن منقوشة على شكل بيتزا مع بيض عيون بغير الشكل يلي تعودنا علي!

الفرن اللبناني معروف بطيبة أكله ومناقيشو – وإذا عبالكن تجربوا إختراعات جديدة من المناقيش، ضروري تزوروا هالمحل!

مجربين منقوشة اللحمة بحب الرمان والنعنع؟ أو منقوشة الحلوم بحبق؟ أو المحمرة بلبنة المعزي؟ البسطرما بقشقوان؟ وحتى في عنده منقوشة زعتر بورق زوبع. وشو كمان في؟ دايقين منقوشة الشنكليش ببقلة (فرفحين)؟ شي بشهي!

وللجماعة يلي بحبو العصافير، عندن منقوشة راس عصفور.

أما الحلو؟ الحلو بطولو وبعرضو موجود عند الفرن اللبناني. البريوش بفستق، الحلاوي بفريز، كعكة الزعتر بتين، كعكة النوتيلا ببندق، منقوشة الدبس بطحينة… ما فيك ما تنغرم!

مع أنواع مختلفة من العجين والمكونات والخلطات المميزة، الأكيد إنو رح تنغرموا بالمناقيش عنده. وأكيد الحكي مش متل الشوفة!