المشوار مع العيلة بالويك أنكد إلو نكهة خاصة وبيجلب السعادة والراحة خاصةً إذا كان بعيد عن المدينة والهموم، جنب الطبيعة والشجر وراحة البال.
1- بيت الجبل، دير القمر
هو عبارة عن بيت حجر قديم بياخد العقل، تم تجديدو بعفش جديد. النومة في متل الحلم والمنظر برا بيحبس الأنفاس.
الرقم: 767 160 71
2- مطعم الطاحونة، بعقلين
أكلن كتير مميز والقعدة غير شكل وفي محل للولاد يلعبوا برا.
الرقم: 802 885 76
3- مخيم يحشوش، يحشوش
هل محل مثالي لقضاء عطلة نهاية الأسبوع مع العيلة.
الرقم: 502 888 78
4- مطعم بنشعي، زغرتا
المشوار على بنشعي حرزان خاصةً مع العيلة، غير الأكل الطيب في نشاطات للولاد وفي حديقة حيوانات كتير مهضومة.
الرقم: 500 550 06
5- الشلالات الزرقا، بعقلين
مشوار خرج العيلة! هيدا المحل المميز حلو خلال كل المواسم. عندن قعدة غير شكل جنب الشلال!
الرقم: 301 560 03
6- مخيم سوينغز، زرعون
بيتميز هل محل بأجوائو العائلية ونشاطاتو الخارجية الأمر لي بيجعلو مكان مناسب للعيلة وخاصةً للولاد.
الرقم: 648 796 03
7- ذا هايد أوت، باروك
بيت خشبي رائع محاط بالطبيعة الحلوة والشجر داير من دار، بتستحلي النومة في وخاصةً القعدة برا.
الرقم: 957 234 03
8- وادي شمسين، البقاع
مطعم لبناني مميز جنب النهر، فيكن تلعبوا البط وتاكلوا أطيب أكل. والولاد أكيد عندن حصة، لأن في نشاطات خاصة إلن.
الرقم: 377 000 71
9- لا ميزون دو لا فوري، جزين
هو عبارة عن شالي مخفي بين الأشجار بجزين. بهل المحل الهوا جنوبي والقعدة مثالية للعيل وخاصةً بهيك طقس. عم تتخيلوا الرواق؟
الرقم: 222 800 07
10- شلالات نبع مرشد، المختارة
مشوار خرج عيلة! مطعم مميز بأحضان الطبيعة، فيكن تتمتعوا بالأكل اللبناني الأصيل جنب المي الجارية.
الرقم: 220 310 25
11- بيت نوال، بشري
بيت ضيافة مميز بطل على وادي قنوبين. تتخايلوا جمال هيك نومة!
الرقم: 651 759 70