٨ أماكن رومانسية مناسبة لتطلب إيد الشريك بلبنان

بنهار “البروبوزال” أو طلبة الإيد ما بيكمل المشهد الرومانسي إلا مع أكل وأجواء حبّ وموسيقي هادية، وأكيد لهل مناسبة المميزة اخترنالكم أجمل المحلات يلي فيكن تقضوا فيها أحلى الأوقات مع نصكن التاني وتطلبوا الزواج وتاخدو أجمل الصور وتعملوا ذكريات ما بتنتسى.

١. الشلالات الزرقا، بعقلين

قعدتكن رح تكون ساحرة ومليانة حب بهل مطعم المحاوط بالشلالات وصوت المي والقريب من محمية الشوف الرائعة: رح تاخدوا أجمل الصور!

٢. مكان، مار مخايل

هل مطعم رح بقدملكن أجمل الأجواء الرومانسية الكلاسيكية وما بدنا ننسى أطيب أكل عند مكان.

٣. قمر، ضبية

لمحبي البحر رح تكون قعدتكن مليانة حب بعنبر وورود وأكيد ما بتكمل الا مع أطيب المأكولات البحرية.

٤. روت 829، حصرون

شو رأيكن بتمضية ليلة حب بالجبل بهل مطعم يلي رح تعيشوا فيه أجمل اللحظات الرومانسية وتاكلوا أطيب المأكولات الشهية بأجواء قروية ساحرة.

٥. ذا أوشين بلو، جبيل

هال مطعم يلي بيملك إطلالة بانورامية على بحر جبيل رح يقدملكن أطيب المأكولات العالمية بالإضافة للموسيقى والإضاءة الساحرة والأجواء الرومانسية لي لا يعلى عليها: رح تقضوا ليلة من العمر.

٦. لا كريبري، جونية

عند لا كريبري ما بكلل الحب غير الأكل على قد ما بقدم مأكولات ولا أطيب والقعدة المطلة على خليج جونية بتحبس الأنفاس. هل مطعم فيو نفحة تراسية بأسلوب عصري وهيدا سبب كافي ليخليكن تشعروا بجمال المكان.

٧. زيرالدا، صربا

الأضوية خافتة والمقاعد من الخشب الصلب. ألوان البني والأخضر بطفي أجوائها المميزة عل محل والغازون بغطي الأرض. فيكن تسترخوا، تتبادلوا حديث مثير، وتتغزلوا ببعض وتاخدوا أجمل الصور.

٨. ذا برود، جبيل

يلي عبالوا منظر غير شكل ما إلكن غير ذا برود يلي بقدملكن أطيب المأكولات والمشروبات بأجواء ولعانة بالموسيقى ومنظر بياخد العقل.