عبارات غزل بس اللبناني رح يفهمها

تغزلي فيي هيك، على اللبناني.

1. إنت جورة شي؟ لأن وقعت بحبك وعلقت

2. بس إطلع فيكي بحس حالي بالسوبرماركت… بيوقف قلبي

3. اشتقتلك على قد ما اشتاق اللبناني لل 1500

4. إنتي بنادول شي؟ لأن شوفتك بترخيلي أعصابي

5. لازم يعملوك رئيس جمهورية لأنك كتير بتنشال

6. إنتي والموتير أحلى شي بحياتي، تنيناكن بتضولي حياتي

6. إنتي والستوف متفقين عليي؟ تنيناكن بدفولي قلبي

7. كوني إلي وبغنجك متل ما الحريري بغنج كانديس

8. تعي كليني متل ما بتاكلي الشاورما 🥺

9. شو عبالك نشرب؟ بتشيل ليمون دوبلي

10. إنتي متل حسابي بالبنك، إلي بس ما فيي أوصلك

11. خبارك متل خبار شوفير السرفيس، مهضومين وما بيخلصوا

12. أنا ومعك بدوب متل ما اللحمة بدوب بس تروح الكهربا 🥺

13. باب قلبك متل باب المستشفى رح يجبلي آخرتي

14. إنت متل طارق البيطار، أملي الوحيد بهل بلد

15. زعلك بوقفلي قلبي متل عداد البنزين بس يوطى

16. إنتي متل الإنترنت عنا بالبيت، بتجننيني

17. إنت متل معاشي، ما بلحق إشبع منك 😔

18. حبنا مستحيل متل السفرة على إيطاليا بلا دولار

19. إنتي متل الفينيقيي، سابقتيني بمنيح

20. هشلتك متل ما الحكومة هشلت اللبنانيي

21. أنا بس إغلط بدك تراضيني وتتنازلي لأني مهضوم متل جورج قرداحي

22. إنت متل حسان دياب، مزهرية حياتي

23. ما تخافي بس تروح الكهربا، كرامتي بضوي الكرة الأرضية كلها

24. أنا متل اللبناني لي ما معو باسبور، ما إلي حدا وما في حدا إلي

24. ما تخافي نحنا ما مننهار، نحنا منهاجر

25. إنتي بعيدة متل الضيعة مش قادر أوصلها بلا بنزين

24. كوني متل لبنان لو طلعت منك ما بتطلعي مني

25. حبيني متل ما السنيورة بحب الTVA

26. غنجني متل ما الدكتور وليد فياض بغنج حالو 🥴

27. أنا متل الحكومة، بستاهل تعطيني فرصة

28. إنتي متل بيروت، بيروتي بقلبي ورح ضل بقلبي لو شو ما صار