١٠ مطاعم بالطبيعة بلبنان مناسبة لضهرة مع العيلة

عبالك تضهر مع العيلة نهار الأحد؟ عبالك تاكل أكل طيب؟ شوف هل ١٠ محلات لي بقدمو أطيب غدا بأحضان الطبيعة.

1. بيوماس، جربتا

القعدة بالطبيعة صارت حلوي مع هل البرودات. هل مطعم بيتميز بالطاولات الخشب والقعدة بتفتح النفس. الأكل كتير طيب وفريش، شغل مزرعتن الخاصة.

2. الشلالات الزرقا، بعقلين

مطبخ لبناني على الأصول وقعدة بنص النهر وصوت الشلال رح يلاقي صوت العصافير ليعزف أروع معزوفة. الولاد رح يعيشوا تجربة استثنائية.

3. طاولة عميق، البقاع

القعدة بهل محل بترد الرود وبتطل على السهل الكبير. السفرة لبنانية تقليدية وغنية وشغل إيد إيد ستات الضيفة. في مساحات واسعة ليلعبوا ولادكن.

4. لافندر، الشوف

عبالك تقرب عيلتك من الطبيعة؟ هل محل رح يبعدك عن العجقة ويقربك أكتر من جذورك. الطلة مذهلة، القعدة مهضومة والأكل كتير طيب.

5. سوينغز، زرعون

هل محل بوفرلك نشاطات ترفيهية ورياضة بأحضان الطبيعة والشجر. وبقدم المطعم مأكولات غربية ولبنانية مناسبة لجميع الأذواق وبأحسن الأسعار.

6. دوبل تي، الشبانية

إنتو أكيد بتستاهلوا برودات الشبانية الحلوين. خلوا نظركن يسرح لبعيد صوب الجبال يلي بتشتهر فيا المنطقة. تلذذوا بالأكل الشهي وسط قعدة مريحة وبين الأشجار الخريفية العالية.

7. لا ميزون دو لا فوري، بكاسين

مطعم ومنتزه مغمور بأشجار الصنوبر المجيدة وأصوات العصافير وأكل لبناني على الأصول. فيكن تقضوا الويك أند كلو مع الولاد بهل المحل.

8. ماينس، إهدن

عبالكن تقضوا وقت ما بينتسى؟ توجهوا صوب ماينس واستمتعوا ببرودات إهدن الحلوين وبالرواق وأصوت الطبيعة. هل محل مناسب لحفلاتكن الخاصة: أعياد ميلاد، عمادات، أفراح…

9. وادي شمسين، البقاع

بقلب سهل البقاع في مطعم رائع متخصص بتقديم الأكل اللبناني وبوفر فرصة استثنائية لتناول الطعام جنب النهر. وأكيد الولاد رح يكيفوا لأن النشاطات ما بتخلص، ATV، تجديف، paintball، شوفة الحيوانات وغيرها.

10. شلالات نبع مرشد، المختارة

مشوار خرج عيلة كبيرة؛ ! مطعم مميز بأحضان الطبيعة، فيكن تتمتعوا بالأكل اللبناني الأصيل جنب المي الجارية.

11. مطعم الطاحونة، بعقلين

الشوف مغمور بالكنوز المخفية والمأكولات المباركة. وهل مطعم خير دليل. بيحيطوا شلال بعقلين ومتخصص بالأكل اللبناني التقليدي. رح فيكن تطلعوا بالطبيعة وتتأملوا جمالها وفجأة تشردوا وصوت النهر ينمحي ينسيكن همومك والدني.