١٠ مطاعم بتقدم أطباق يومية وتوصيلات

الروحة على الشغل متعبة خاصةً إذا كان الدوام طويل ولأن مش عطول منلحق نحضر أكلنا قبل بنهار وهلق زيادة بالشتوية و لأن ما فينا نضل عايشين على الديليفيري والfast food، قررنا نعرفكن على أطيب وأصح وألذ أطباق يومية ممكن دوقوها بلبنان.

1. ت مربوطة

مش بس بقدم أطباق يومية وطبخات شهية، بوفر مساحة للتبادل الثقافي والفني كمان.

2. باتشيغ

بقدم أطباق يومية أرمنية بنفحة لبنانية رح تخليكن تتعرفوا على المطبخ الأرمني من أول وجديد.

3. بو ملحم

بو ملحم مطعم لبناني أصيل متخصص بالمطبخ اللبناني التقليدي، بنظم حفلات ومناسبات وبحضر أشهى الصحون اليومية: وفي عندكن خيارين وعطول صحن سلطة مع كل وجبة.

4. سقراط

معروف بخدمة الكايترينغ لكل المناسبات وبصنع أشهى أطباق الحلو والمأكولات الشعبية والفاخرة. بقدم كمان خدمة الصحن اليومي وأطيب المأكولات اللبنانية المعمولة بكتير حب.

5. ديوان بيروت

عند ديوان بيروت بتاكلو أطيب لقمة وأطباق يومية لا يعلى عليها محضرة على إيد أمهر الطباخين.

6. ماي كيتشين

ماي كيتشين بقدم أطباق لبنانية بلمسة خاصة وغيرها من الأطباق الآسيوية لي ما بتلاقوها بغير محل.

7. ست الستات

ست الستات إسم على مسمى لأن الأكل عندن محضر على إيد ستة من أشطر ستات البلد. يعني بتاكل أكل بيت مليان حب وحنان.

8. بتي بيزو

بتي بيزو عبارة عن مأكولات بيتوتية معمولة بكتير حب وعلى إيد أمهر الطباخين. الكبة بلبن عندن خرافية بتذكرك بأكل ستك وإمك بالبيت.

9. أماريتي

أماريتي كافي بقدم أشهى المأكولات السريعة متل السندويشات، البرغر، المعجنات وصحن يومي ولا أطيب وولا أكرم!

10. أَورينت إيكسبريس

هل مطعم متخصص بالمطبخ الأجنبي وبحضر صحن يومي عبارة عن أطباق غريبة بأغلب الأوقات. كتير طيب!