حرب اللهجات: بين الطرابلسي والبعلبكي

كيف بتعرف الطرابلسي من البعلبكي؟ 1. السيبة بالطرابلسي يعني طاولة وبالبعلبكي يعني سلم. 2. التبسة بالطرابلسي يعني المنفضة. 3. مطشي طشي بالطرابلسي يعني تعبان وما إلك جلادة تتحرك. 4. هونيك بالطرابلسي يعني هيك جي بالبعلبكي. 5. مخ بالبعلبكي يعني ذكي وبالطرابلسي يعني أزعر. 6. ببعلبك بقولو طرابيزا يعني طاولة. 7. ونفاضة يعني منفضة. 8. الطراحة بالطرابلسي بتصير دوشك بالبعلبكي. 9. والبرنيطة طاقية. 10. بس يسقع البعلبكي بقول قرمدت من البرد. 11. وأكيد رح تسمع البعلبكي عم بصرخ وينك “يا أَوميي”. 12. الصوبا يعني صوبيا بالبعلبكي. 13. الكوكسينيل صار إسمها أوم عيسى وما حدا بيعرف لي ومين عيسى. 14. والسلحفة إسمها أوم جسطر. 15. سولف يعني جقجق. 16. الجنارك إسمن جرانك. 17. ويا ريت بتصير علوا. 18. أما أهل طرابلس فعقلاتن براس طربوشون وكلماتن كمان وأكيد هضامة على الحل: طروُبلُس. 19. ناولني الأطرميز على الطرابلسي يعني عطيني المرطبان. 20. مراكبي يعني حامض. 21. وين البشكير؟ يعني وين المنشفة الكبيرة؟ 22. البابوج هوي صباط النسوان ومن هون إجت عبارة “من البابوج للطربوش” يعني من “فوق لتحت”. 23. السداجة على الطرابلسي يعني السجادة.