أطيب كروسان وأهضم قعدة بهل فرن بجبيل

يلي بحب ترويقتو تكون حلوة، تعرفوا معنا على فرن وقعدة كروسان بار بجبيل يلي بقدم أشهى المخبوزات متل الوافل والكروسان والكروفل.

ما في شي أطيب من الكروسان على الصبح، وهل الفرن المميز بيعمل كروسان طازة من الفرن بتشهي.

إذا انتو من محبين الجبنة والجامبون، كروسان بار بيعمل أطيب كروسان فيها خس، بندورة، جبنة، وجامبون. ترويقة غير شكل مع فنجان قهوة.

والكروسان لي محشية خلطة زعتر كمان مميزة.

عبالكن تتحلو؟ ما تفكروا مرتين وجربوا الكروسان بلوتيس أو بشوكولا: قرشة زغيرة بدوخ.

كل شي معمول عند أفران نوفا وبأحلى الأسعار وعلى طول في اختراعات جديدة.

وإذا عبالكن تجربوا شي جديد وبشهي، كروسان بار كمان بيعملكون وافل محشية حليب مكثف محلى! شكلا بشهي.

تعوا كلو شو بتستحلوا، شي روعة!

اتصلوا فين على هل الرقم: 305 488 81