أجمل أغاني فيروز لعيد الميلاد

كلنا بيطلع على بالنا نسمع أغاني الميلاد بهل الفترة وشو في أحلى من صوت فيروز على الصبح.

1. تلج تلج

بس تسمع هل لحن الساحر رح تتاخد في على الأكيد لأن بخليك تسرح بجمال هل عيد وبجمال الطقس البارد: “ومغارة سهرانة فيها طفل صغير بعيونو الحليانة حبِّ كتير كبير. تلج تلج عم بتشتِّي الدنيي تلج وكلّ قلب وكلّ مرج زهَّر فيه الحبّ متل التلج”.

2. ليلة عيد

هل غنية فيا فرح كتير وبصوت فيروز بصير عندها سحر خاص: “عم يتلاقوا الأصحاب الهديِّة خلف الباب في سجرة بالدار ويدوروا ولاد صغار والسجرة صارت عيد والعيد سوارة بإيد والإيد تعلِّق عَ السجرة غنيِّة وعناقيد”.

3. We Wish You a Merry Christmas

كلنا منعرف هل غنية لكن بس تسمعوها بصوت فيروز رح ترجعوا تنغرموا فيا من أول وجديد.

4. عيّد الليل

هل غنية رح تفوتك بأجواء العيد وتحسسك بهدوء وسلام: ” عيَّد الليل.. زهَّر الليل، صوت العيد ضوَّا الليل. موجي يا سما بالعناقيد، هِلِّي بالحلا بالمواعيد. زار الليل يسوع، لوَّن الليل يسوع.”

5. كنا نزين شجرة صغيرة

هل غنية كلها فرح وأمل وزينة وألوان وأخبار وغنيات يعني متل هل عيد: “كِنَّا نزَيِّن سجرة زغيرة ونعلِّق فيها جراس عليها نجوم بيلمع لونا بيلمع متل الإلماس مليانة تلج ومليانة ملبَّس أبيض بكياس.”