أطيب ترويقة لبنانية فاخرة من عند هل ١١ محل

عبالكن ترويقة لبنانية معرمة؟ شوفوا هل 11 محل لي بيعملوا أطيب ترويقة على الصبح.

1. لا فول، الحمرا

بتلاقوا عندو أطيب ترويقة لبنانية معرمة: حمص، فول، بيض عيون، بليلا، بيض بأورما وسلطات على أنواعها.

الرقم: 370 375 01

2. أبو حسان، برج حمود

ما في أطيب من الفتة، المسبحة والبيض المقلي قدام عيونك من عند هل محل الرائع.

الرقم: 888 261 01

3. مزرعة لقيس، شتورا

بيعملوا أطيب ترويقة وكل شي بلدي شغل الجنينة والمزرعة وإختصاصن: السفيحة بعيران، شي بدوب القلب.

الرقم: 490 542 08

4. بيت القمر، دير القمر

مجربين بوفي ترويقة لبنانية؟ إذا لاء صار لازم تعيشوا هل تجربة الإستثنائية بدير القمر بهل تيراس لي بيشرف على منظر رائع والأكل من الأرض على الطاولة.

الرقم: 411 661 03

5. جلسة العرزال، فاريا

بيعمل أطيب ترويقة لبنانية فاخرة مع مشطاح صاج ومناقيش بتقرمش ولبنة مكعزلة وقصص كتير طيبة.

الرقم: 883 285 03

6. حكاية، فرن الشباك

كل شي عندو بيفتح النفس وبدوب القلب وبحرك المشاعر وخاصةً طبق الفول الحر المعرم.

الرقم: 665 288 01

7. فرن الصبايا، عمشيت

إذا بعد ما جربت المورقة من عند هل فرن يعني بعد ما جربت شي: بتجي خبزة محشية قلوبات، لوز، سكر وكسر ليمون ودوقوا!

الرقم: 466 624 06

8. فرن مرشاق، البترون

عندو أطيب منقوشة بلحم بعجين مع صحن معرم بيض بأورما.

الرقم: 050 740 70

9. فرن كوكو، البترون

بيعمل بريوش بالشوكولا صخنة شي بياخد العقل.

الرقم: 314 430 03

10. فرن عبيد، سن الفيل

إذا المنقوشة بتاخدلك قلبك وعقلك يعني صار لازم تجرب منقوشة طابقين من عند هل فرن: طابق جبنة وطابق زعتر وكول وعبي بطنك.

الرقم: 415 481 01

11. كعكة سكوار، مار مخايل

الكعكة شهية، طازة، محشية وصخنة كلها رح دوب بتمك وأكيد مع الطعمة لي بتختارها.

الرقم: 095 568 01