سناك فيصل: مخبوزات لبنانية ومنقوشة الأحلام!

سناك فيصل بيعمل أشهى المعجنات، الفطاير، السفيحة، والمناقيش صغيرة، هوي رمز من رموز بيروت العتيقة.

كنز بمنطقة الحمرا، هيدا المحل عمرو أكتر من 30 سنة! بيفتح كل يوم الصبح ليحضر العجينة. وكتير مننصحكن تجربوا كل شي عنده.

تأسس مطعم و معجنات فيصل سنة 1984 بشارع بليس جنب الجامعة الأمريكية ببيروت، وبلش يقدم معجنات شهية كتير والناس كتير حبت اللقمة الطبية وهل شي شجعوا يزيد أصناف معجنات ويخترع معجنات جديدة خاصة في وخلطات غريبة عجيبة ولا أطيب. ومش بس هيك، فيصل قدر يساوي عجينة خاصة في صارت طعمتا ما تفارق كل حدا جربها.

فيصل مش بس بقدم معجنات، بيعمل أشهر الأطباق اللبنانية كمان بس بلمسة مختلفة مع خلطات مميزة.

وبتعرفوا شو كمان في عند فيصل؟ شي ما رح تلاقوا بغير محل… ملحمة! ملحمة فيصل بتحضر كل يوم لحمة طازة وبتوزعها على المطعم ولي بدوقه بيعرف عن شو عم نحكي.

معروف أكتر شي بساندويش الدجاج وفطاير السبانغ المعصورة عصر وصحن الترويقة اللبنانية الغير شكل. لمحبي الأكل الطيب، الكعكة الطازة المغمسة بصحن لبنة وزيت وزيتون ورشة نعنع لازم تجربوها.

محل كأنو وقف الزمن عندو، هالفرن الأصيل بيستعمل مكونات ولحمة طازة وعجينة مخمرة على الإيد. ييكفي إنو نقول إنو تجربه فريدة من نوعها. والأسعار ولا أحلى.

وقدما نحكي عن فيصل، بضل الحكي مش متل الشوفة!

الرقم: 058 440 03