أغاني عربية حلوة رح تحبوها كتير

بس تكون ضاهر بالسيارة بيطلع على بالك تسمع أغاني حلوي ومش سامعها قبل وتحبها، كرمال هيك حضرنالكن ليستة أغاني مهضومة، جديدة وقديمة.

1. لو كان لك قلب، مايا نصري

غنية رايقة وحلوة، بس تسمعوها رح تتذكروا اللحن.

2. لما بدا لي، عبد الرحم محمد

هل غنية بتحكي عن حبيب اكتشف حبيبتو ما بتحبو والوجع لي حسو، اللحن كتير حلو والكلمات بالفصحى متل الشعر.

3. إنت فليت، وائل كفوري

هل غنية بتحكي عن قصة عاشق مش قادر ينسى فراق الحبيب وعم يتذكر كل تفاصيلو الصغيرة والكبيرة.

4. شو بخاف ، فيروز

“شو بخاف دق عليك وما لاقيك” بتحكي عن قصة العاشق بس يخاف تتركوا حبيبتو.

5. فلو، عبير نعمة

هل غنية كتير حلوي ما بينشبع من صوت عبير الدافي وبتجسد فكرة الغياب بكل ظروفو وأبعادو والأثر لي بيتركو بقلب كل حدا وبتعكس المشاعر لي بيمرق فيا الشخص ليتغلب على جرحو،” فلو لي كانو معي والبيت صار حجار، لا سقف حامل سقف، لا النار فيها نار ومفتوح باب التلج صرلو من مبارح وحيطان لونن بكي”.

6. تعي نهاجر، فرج حنا

غنية كتير حلوي بتحكي عن حبيبين بحبو بعض كتير وتعبوا من الوضع بلبنان وقرروا يهاجروا ليقدروا يعملوا عيلة.

7. شو عملتي فيي، هيثم الشوملي

هل غنية أكيد طبعت ذاكرتكن بوقت من الأوقات ونسيتوها مع الوقت، بس لحنا الحلو ولي برقص ما بروح عن بالكن وبيرجع بذكركن بالإيام الحلوي.

8. أنا ما إلى بالحب، آدم

هل غنية بتحكي عن وجع لي بينغرم وبحب من قلبو بس على طول قلبو بينكسر وبيتجوع بالآخر قرر ما يحب ويستسلم.

9. إليسا، لو ما تجي

غنية بتحكي عن امتنان الحبيبة لوجود حبيبها لي صار سندها بهل دني.

10. مغرم، جاد نخلة

غنية قديمة بس لحنها وكلماتها كتير حلوين وعن الحب.

11. وافترقنا، فضل شاكر

لحن وكلمات رح ياخدون لمحل تاني ويذكروك بأجمل لحظات الحب.

12. ناطر، مروان خوري

غنية بتحكي عن الحب وصعوبة النطرة بس تكون ناطر الحبيب يجي وما يجي.

شو ناطرين تعملوا ليستة على أنغامي وتسمعوهون بس يكون عندكن مشوار بالسيارة!