٩ أفلام لبنانية مهضومة لقعدة مكنكنة ودافية بالبيت

الطقس برا صقعة وجليد وما حدا إلو قلب يضهر من البيت، كرمال هيك جمعنالكن 9 أفلام لبنانية مهضومين لتحضرون وتتسلوا بالبيت. أفلام قديمة وجديدة، رومانسية وكوميدية وأكشن، الخيار إلكن.

وما تنسوا جاط البوشار وفنجان الشاي!

1. مدام بامبينو

فيلم كوميدي كتير مهضوم لفادي وكارين بيحكي عن مغامرات كارين بس تقرر طلق فادي وتجيب بايبي سيتر لتهتم بالولاد وتطلع بالآخر جوزها فادي.

2. تاكسي بلد

بيحكي عن مغامرات شوفير التاكسي طلال الجردي بشوارع بيروت والتحديات يلي بيتعرضلها يومياً.

3. فيلم كتير كبير

بيحكي عن قصة مهربجي على الحدود بينجح بحيلو يهرب الممنوعات من دون ما ينلقط. كل الوقت في أحداث جديدة وما بزهق.

4. غنوجة بيا

فيلم كوميدي طبع ذاكرتنا وبيجي على بالنا نرجع نحضروا مرة جديدة وبيحكي عن قصة حب بين رنا بركات وطارق فياض يلي ما كانت تظبط. بس بالآخر بقرر طارق يرجع لخطيبته القديمة دولي لأن زهق من محاولات التقرب من رنا بس هل مرة رنا بتعمل ردة فعل ما حدا توقعها.

5. خبصة

بيحكي عن التحديات لي بواجهوها الشباب اليوم والخوف من الإرتباط والزواج والمساكنة. كتير حلو!

6. حبة كراميل

بطولة ظافر العابدين وماغي بو غصن، بكمل قصة مسلسل كراميل لي بيحكي عن بنت بتقرا شو في بعقل الرجال من دون ما يعرفوا هني. كوميدي ورومنسي بنفس الوقت وبضحك كتير.

7. بغمضة عين

بطولة زياد برجي وهشام حداد ودانا الحلبي. بيشعر البطل “جاد” بإنجذاب لا يقاوم تجاه “نور” الست لي بدير المشروع لي سعي كتير ليوصلو ومن هون بتبلش الأحداث المشوقة.

8. ماكس وعنتر

فيلم كوميدي مستوحى من الأفلام الأميركية القديمة مع نفحة لبنانية كوميدية. إذا كنت بتحب الكلاب أكيد رح تحب القصة.

9. قضية رقم ٢٣

بطولة عادل كرم، هل فيلم بيحكي عن الحرب الأهلية والحركات الفلسطينية لي كانت عم تغطي شوارع بيروت الغربية والجرايم لي حصلت بحق الشعب اللبناني مع رسالة مؤثرة وقصة حب.