منقوشة على البركة ولقمة بيت عند فرن وفخارة ببقاعكفرا

فرن وفخارة فرن لبناني تقليدى بضيعة بقعكفرا.

طلعوا على بقعكفرا، وهونيك بتلاقوا فرن وفخارة المشهور بلقمته الطيبة بكل الضيعة.

بقعكفرا ضيعة حلوي كتير، أعلى ضيعة بلبنان وبتتميز بطقسا البارد بالشتوية والبرود والشمس الحلوي بالصيفية.

هل محل تراثي مية بالمية رح ياخدك على الضيعة وسطوح بيت التيتا والجدو.

العجينة نافخة متل ما لازم ولا أروع، مرتاحة ومعمولة بحب وغرام، طرية و بدوب بالتم.

رح تلاقوا نسوان الضيعة على إجرين عم يعجنوا ويخبزوا ويعملوا أطيب مناقيش معقول تاكلوها.

بيعملوا بيتزا ولا أطيب: الصغار محشيين صوص وخضرة وجبنة وجامبون والكبيرة كمان.

جربوا عندن الكعك بسمسم مع لقمة لبنة بتوم ومنقوشة لحم بعجين على البركة مع كاسة عيران.

كل نهار جمعة بيعملوا أطيب ساندويش فلافل وإذا عبالكن تتحلوا على الترويقة، فيكن تاكلوا كنافة بيتوتية مع فنجان نسكافيه ومنظر حلو.

الرقم: 537 395 76