فنانين لبنانيين اختفوا فجأة عن الساحة الفنية ووين صاروا

سبق وخبرناكن عن ٥ فنانات لبنانيات ختفوا ووين صاروا هلق اليوم منخبركن عن فنانين!

في كتير فنانين شباب لبنانيي موهوبين اكتسحوا الساحة الفنية آخر 15 سنة لكن قرروا يبتعدوا عن الأضواء فجأة ومن دون سبب، تعوا نشوف وين صاروا اليوم.

1. إيوان

فنان موهوب انشهر بفترة الألفين لكن ابتعد عن عالم الغناء لفترة وأكد إنو خلافو مع المنتج المصري جمال مروان كان إلو الدور الكبير بهيدا الغياب مضيف إنو طريقة تعامل مروان معو ما كانت جيدة، وإنو “الأخير” هو أكتر إنسان حاول يأذي واليوم منشوف أكتر الصور إلو بالنادي الرياضي، ومن فترة للتانية بطل على جمهورو على انستاغرام عم بغني.

2. طوني كيوان

اختفى الفنان الموهوب طوني كيوان عن الساحة الفنية، بعد ما سجل نجاحات كبيرة ببداية التسعينيات وبالألفية، ورغم إطلالاته التلفزيونية على شاشة الotv وبعض الحفلات والمهرجنات إلا إنو حضوره الفني تراجع بشكل ملحوظ ومن فترة عمل غنية ديو مع الفنانة سيرينا خليل.

3. صبحي توفيق

غاب الفنان اللبناني صبحي توفيق لي اشتهر باللون الطربي عن الساحة الفنية، وبتصريح مؤخراً لإحدى الصحف قال:”لازم إتوسع بالأعمال الفنية، لكن هل شي بيحتاج لإمكانات مادية إضافية والوضع صعب حالياً. وقال : “الأرباح بتضيع بين المتعهد والفنان وصاحب الملهى، ورغم إنو الكل بفكر الفنان مرتاح كتير مادياً لكنّ الحالة العامة بلبنان بتعكس القلق وسوء الوضع الإقتصادي لي خلت الناس ما يعود عندن إمكانية حضور السهرات الفنية بسبب الغلا المعيشي وهل شي بأثر على مدخول الفنان. وعلى طول بيعمل حفلات فنية وفيكن تستمتعوا بأجمل السهرات الطربية وتابعوا على فايسبوك.

4. يوري مرقدي

اشتهر بغنية “عربيٌ أنا” لي أنتجها بنفسه وكانت سبب شهرته، توقف عن الغناء بسنة 2005 ورجع على الغنى مرة جديدة بسنة 2011 بأغنية “حدا مش أنا”. وكانت آخر إطلالاته ببرنامج عبر شاشة الmtv.

5. علاء زلزلي

علاء زلزلي فنان لبناني معروف بيتميز بأسلوبه الخاص، وصرح مؤخراً إنو مش غايب فنياً لكن بفضل عدم الظهور إعلامياً بشكل متكرر.

6. جاد نخلة

فنان أكتر من موهوب وصاحب الصوت الدافي والألحان الساحرة اختفى عن الساحة الفنية وغاب عن الأضواء لكن أرشيف صاحب غنية “مغرم” و”حسيبك” كتير غني وفيكن ترجعولوا عبر تطبيق أنغامي. وكمان فيكن تحضروا حفلاته وسهراته الحلوي وتابعوا عبر إنستاغرام.

7. جورج نعمة

بعد النجاح الكبير لي حققوا خي الفنانة الموهوبة عبير نعمة، اختفى جورج عن الساحة من سنتين وتسكر الملهى الليلي “روت” الخاص في لأسباب مجهولة وتوقف عن الظهور الإعلامي وعن إصدار أغاني جديدة وانعرف مؤخراً إنو هاجر على الولايات المتحدة.

8. جو أشقر

جو أشقر فنان انشهر باللون الرومانسي والأغاني الراقصة لكن غاب عن الإعلام والأجواء لفترة طويلة ومؤخراً قرر يصدر غنية لمرته على عيد الحب “قلبي دقلا”. وبتلاقوا نشاطاته المستجدة على إنستاغرام وعلى طول بيعمل حفلات وسهرات فتية.