أطيب فنجان شاي وترويقة على التلجات بهيدا المحل بإهدن

بعدك على بالي يا قمر الحلوين.. يا سهر بتشرين…

خلينا نعرفكن على مطعم تشرين الموجود بإهدن لي بيعمل أطيب سفرة ترويقة بلبنان.

توجهوا صوب الشمال وزوروا ضيعة إهدن الحلوي لي ما في إلها مثيل. هل المنطقة يلي بتقعد على الجبل وعلى كتف الوادي رح تخليكن تخلقوا أحلى ذكريات!

محل زغير خشب بقدم أشهى الأطباق، تشرين هو المحل المثالي لكل مين بحب الترويقة اللبنانية البلدية على أصولها.

الديكور كله مستوحى من جو الضيعة مع طاولات ومقاعد خشب وحيطان مكشوفة على المناظر الطبيعية والتلج، وأكيد تراس طويل عريض للصيفية.

إذا بتحبوا البيض المقلي أو بسجق، أو الفته يلي على وجها قلوبات، او البليلة يلي بتتقدم مع خبز طازة، أو جبنة حلوم بالفخار، أطيب مشطاح ومناقيش أكيد رح تكونوا مبسوطين بقعدة تشرين.

شوفوا صحن اللبنة والتتبيلة، شي بشق النفس:

فول، فتة، حمص، ساندويش سمكة حرة، جبنة، سجق وأشهى أطباق فيكن تتخايلوها عند تشرين!

استمتعوا بأحلى فنجان شاي على بعد متر من بياض التلج، وتنشقوا الهوى يلي ما في منه بالمدينة وأكيد رح يكون نهاركن أبيض من التلج.

الرقم: 636 433 81