أشهى الأكلات الشعبية لي لازم تجربوها بالبقاع

كل منطقة من مناطق لبنان بتشتهر بأكلات شعبية ولذيذة أما البقاع موضوع تاني. البقاع، لي بيتميز بالجبال والوديان والجمال وتاريخه وبيوته القديمة، وكمان الشي يلي بميز البقاع هو وجود أطيب الأكل الشعبي التاريخي يلي لازم تجربوا.

شوفوا كمان: أشهى الأكلات الشعبية يلي مشهورة بجنوب لبنان

رح نقدم بعض الأكلات الشعبية الموجودة بالبقاع:

1. الصفيحة البعلبكية

الصفحة البعلبكية محشية لحمة مفرومة، بصل، بندورة مفرومة، بتنحط على صنية مدهونة بزيت الزيتون قبل ما تنخبز بالفرن وبتتاكل مع عيران وغير معجنات.

2. الصفيحة باللبن

وكيف ما بدنا نذكر بعلبك مدينة الشمس بأشهر صفيحة بعلبكية ومش عمنحكي عن أي صفيحة عمنحكي عن فتة الصفيحة باللبن وأكلة أبو منمش.

3. السمسمية

تعد السمسمية من أشهر حلويات بعلبك وهي مألفة من السكر، لوز، فستق، سكر، ملح الليمون على النار حتى الغليان.

4. المشطاح الزحلاوي

من أطيب انواع الخبز، عبارة عن زيت و زعتر عليه وبصير عندكن منقوشة مشطاح. ما تترددوا تعملوها بالبيت طيبة كتير مع اللبنة والجبنة.

5. كبة بلبن

الكبة بلبن أكل تراثية عريقة عبارة عن قراص صغيرة معمولة من البرغل واللحمة ومحشية باللحمة المفرومة المتبل بمختلف البهارات متل الصنوبر المفروم وبتنطبخ مع خليط لبن.

6. قربان

راشيا وزحلة مشهورين بخبز القربان خاصةً بحي الميدان. القربان الصحي بالمكونات الصحية: الخميرة، جوزة الطيب، المحلب والمزهر البلدي.

7. بريوش زحلاوي

بريوش زحلة أشهى المخبوزات، وأشهر شي البريوش الطري، السخن، وأكيد الطازة يلي بقدموا! يمكن أطيب شي فيكن تتذوقوا هل شتوية.