فرن وفخارة: أطيب منقوشة ومشطاح ببولونيا

جمع أصحابك وروحوا على ضيعة بولونيا الحلوة واكتشفوا أطيب نكهات بفرن كتير مهضوم: فرن وفخارة.

تعرفوا على هيدا المحل الغير شكل! فرن وفخارة بقدملكن أفضل وأكبر معجنات، أكيد رح تحبوها! ما فيكن تتخايلو قديش طيبين وطازة!

بيعمل بيتزا ومناقيش وخبز وأطيب ترويقة على الفخارة: بطاطا مشوية، لبنة بتوم، بيض عيون مع مشطاح وبندور جبلية وقرص جبنة بلدي… شي بشق النفس.

القعدة بهل محل كتير مهضومة وأسعار منيحة وجو الضيعة بتحس ما بدك تفل.

وكمان بيعملوا كراكيرز على طعمات مختلفة وساندويشات بالعجين وقصص كتير طيبة.

بيعملوا حلويات جبلية طيبة لتحلوا ضرسكن كمان: تين وجوز، موز وشوكولا، حلاوة وشوكولا، سمنة وسكر، دبس وطحينة وغيرها.

للطلبات أو الإستفسار: 021 621 03