٩ أفلام لبنانية رومانسية تحضروها بمناسبة الفالنتين

ما في أحلى من الكنكنة تحت الحرام مع فنجان صخن وغمرة وقعدة رومانسية بالبيت بعيد عن العجقة.

إذا عبالكن تحضروا فيلم رومانسي مع الشريك نهار فالنتين، شوفوا هل ليستا.

1. غمضة عين

بطولة زياد برجي وهشام حداد ودانا الحلبي. بيشعر البطل “جاد” بإنجذاب لا يقاوم تجاه “نور” الست لي بدير المشروع لي سعي جاهداً ليوصلو ومن هون بتبلش الأحداث المتتالية وقصة غرام شيقة.

2. خبصة

بيحكي عن التحديات لي بواجهوها الشباب اليوم والخوف من الإرتباط والزواج والمساكنة وبسلط الضو على قصة حب بين بنت وشب بلشت بالمساكنة وانتهت بالزواج. كتير حلو!

3. لأني بحبك

فيلم بطولة وسام صليبا وكريستينا وهشام حداد، بيحكي عن قصة حب صعبة بين شب غني وجهلان وبنت على قد حالها.

4. زفافيان

فيلم كوميدي رومانسي بنفس الوقت، بيحكي عن قصة حب بين شب لبناني غني وبنت أرمنية على قد حالها عايشة ببرج حمود. الفيلم من بطولة كارلوس عزار وإيمي صياح، معظم أحداثو شيقة والنهاية كتير حلوي.

5. حبة كراميل

بطولة ظافر العابدين وماغي بو غصن، بكمل قصة مسلسل كراميل لي بيحكي عن بنت بتقرا شو في بعقل الرجال من دون ما يعرفوا هني وبيروي قصة حب صعبة ومهضومة. كوميدي ورومانسي بنفس الوقت وبضحك كتير.

6. باريزيان

لينا طالبة لبنانية وصلت على باريس لتكي دراستها بإحدى الجامعات الفرنسية عام 1993 ، لتلاقي إنو الفوضى لي كانت عايشتها بلبنان ما بتختلف كتير عن لي عم تعيشه بباريس. لكن باريس رح تعطيها الفرصة تلاقي حالها وتكتسب ثقة جديدة بحالها وتوصل لطموحها.

7. كراميل (سكر بنات)

بيحكي عن الحياة اليومية لخمس لبنانيات كن مختلف الأعمار والخلفيات الإجتماعية ببيروت وقصة حب خجولة بين شب وبنت.

8. خليك معي

فيلم خليك معي بطولة عمار شلق، نادين الراسي و مجدي مشموشي. بيحكي عن قصة حب بين شوفير تاكسي غسان وسيدة أعمال سحر الهاربانة من جوزهها رجل المافيا، بعدما اكتشفت مؤامرة لقتلها من قبل جوزها لي بساومه تحري فاسد على دليل بيدينه بالإعدام.

9. بالصف

فيلم رومانسي قديم كتير حلو بطولة فيفان أنطونيوس وسمير فايز بيحكي عن قصة حب بين إستاذ وطالبة رقيقة.