أكل وشرب

فرن دلال: مشوار على شبطين، مناقيش طيبة، وقعدة مهضومة

فرن دلال فرن عائلي صغير بضيعة شبطين بالبترون بيعملوا أطيب مناقيش ومورقة.

العجينة ولا أروع معمولة بحب وغرام وكل المواد بلدية مية بالمية من الجنينة.

هل فرن مشهور بمناقيش البقلة الطازة والسبانغ ومنقوشة الكشك البلدي الغير شكل.

بيخبزوا منقوشة بيض بقوارما وأطيب كشك بقوارما وجبنة إكسترا مع بندورة وبصل وبقدونس وشوية حر.

بيعملوا كمان كراكيرز بالزعتر وبرغر بيتوتية مشوية بالفرن.

العجينة مرتاحة مظبوط، كريمة كتير وكل شي بلدي: لقمة فيها نفس الضيعة.

القعدة مهضومة بالفرن وبس يصير الطقس حلو فيكن تستمتعوا بالقعدة برا والمرجوحة. بس تخلصوا أكل فيكن تروحوا تتمشوا بضيعة شبطين، تكتشفوا المنطقة الحلوي وتشموا هوا نضيف. وهلق صار وقت نشوف المشوار عند دلال كيف بكون بهل فيديو.