١٠ سناكات ضروري تجربوها بلبنان

لمحبي السندويشات والبرغر، ضروري تجربو هل 10 السناكات الغير شكل بلبنان!

1. سناك لفلوف، الشياح

المحل المثالي لمحبي دجاج البروستد والتوم الإكسترا ، بضل مفتوح حتى الساعة 2 بالليل ليلبي جوع آخر الليل! بقدم السناك كمان وجبات خفيفة متل رز وفخارة باللحمة وأكلات لبنانية وبرغر وعصير فريش وغير هيك كتير! موجود بالشياح جنب كنيسة مار مخايل.

الرقم: 772 555 01

2. سناك لقمتنا، صربا

المينو غني بالمأكولات اللبنانية الأصيلة والعالمية لي بتتنوع من المازة والسلطات والبرغر للشاورما المرقوق والفلافل وسندويشات الكباب. موجود كمان وجبات يومية!

الرقم: 888 497 70

3. سناك مايك، جبيل

ما فيك تروح على جبيل وما تاكل عند هل الجوهرة المخفية بقلب المدينة. بيعملوا أطيب ساب مارين غنية ، وصار الشيف مايك حديث الساعة لأكتر من 30 سنة. رح تبقى طعمة ساندويش الدجاج تحت تمك ورح ترجع مرة تانية وتالتة!

الرقم: 157 240 03

4. سناك الحاج نصر، ساحة ساسين

بتلاقي عند هل سندويشات على أنواعها من التابلة النية لسندويش النخاع مع كبيس، بيض وسجق، روستو، كفتة، وغيرن كتير كمان.

الرقم: 071 330 01

5. سناك حمودي، زقاق البلاط

اشتهر سناك حمودي بالإسكالوب برجر وسندويش الكفتة لي بضيف عليهن لمسته الخاصة. لقمة طيبة، بتشبع، ومنيحة للجيبة، سناك حمودي هو جوهرة مخفية.

الرقم: 300 370 01

6. سناك فيصل، الحمرا

سناك فيصل بيعمل أشهى المعجنات، الفطاير، الصفيحة، والمناقيش صغيرة، هوي رمز من رموز بيروت العتيقة.

الرقم: 058 440 03

7. سناك هاني، الحمرا/ الروشة

واحد من أقدم وأحلى مطاعم البرغر ببيروت، مطعم هانيز بيعمل البرغر بالطريقة الكلاسيكية مع الـــ “كول سلو” والبطاطا والسلطة الروسية.

الرقم: 026 354 01

8. سناك علوشي، جناح

إذا عبالكن برغر معرمة محشية جبنة ولحمة وبطاطا، هل محل رح يعملكن أطيب برغر. سناك علوشي بيعمل أطيب الوجبات السريعة بأحسن الأسعار.

اتصلوا على 874 984 70

9. سناك أبو شريف، برج البراجنة

المينو مبسط بس غني، وعنده تشكيلة من الساندويشات رح تاكلوا اصابيعكن وراها. فيلاديلفيا سندويش مع فطر وصوص لازم تجربوها، كمية غنية من الدجاج والبهارات ولا أطيب.

الرقم: 38 38 37 71

10. سناك حسون، شارع الجاموس

إذا جايين لهون، مننصحكن تطلبوا حيلا شي من البرغر اليومي. طلبوا برغر دجاج، وكريسبي تشيز برغر ودوقوا شقفة الدجاج المقرمشة وخليط الطعمات مع صوص المايونيز والجبنة السايحة.

الرقم: 087 089 81