٦٠ متل لبناني مهضوم بيحكي عن الأكل

بالنسبة لكتار، الأكل اللبناني فن ومن المفترض يكون الكل بيعرف قيمته. وقد ما اللبناني بحب كرشو، صار يحكي عن أكلو بالأمتال الشعبية وبحياته اليومية وبمشاكله البيتوتية، تعوا نشوف ليستا من الأمثال المهضومة لي بتحكي عن الأكل بطريقة بضحك.

1. كول لقطين وشو بدك بالحاقدين.

2. بيّو بصل وأمّو توم، ومن وين بدها تجي الريحة الطيبة.

3. متل الزيتون، ما بيجي إلا بالرص.

4. إذا كان حبيبك عسل ما تلحسو كلو.

5. قالوا للجوعان: اتنين واتنين، قال: أربعة ارغفة.

6. العز للرز والبرغل شنأ حالو.

7. متل اللي بيوكل القط بالجبنة.

8. يلي بيعرف بيعرف ويلي ما بيعرف بيقول كف عدس.

9. بطنو بيساع دست مخلوطة، وما بيساع كلمة.

10. القصة مش رمانه لكن قلوب مليانة.

11. بياكل البيضة وقشرتها وبيقول ما شفت شي.

12. شبهوا القلوب بالشقاق، شي سمك شي رقاق.

13. صام صام وفطر على بصلة.

14. شو بدي اترجى منك يا سفرجلة وكل عضة بغصة.

15. ناس بتاكل دجاج، وناس بتوقع بالسياج.

16. تزوجنا وجبنا غريبة، زِوان بلادك ولا القمح الصليبي.

17. حبة حبة أكل العنب، تنتان تنتان حشمة وأدب.

18. حاسبني مشمشة كل ساعة بتهز في؟

19. ضاع المسك بسوق البصل.

20. هدية المقرف بصل.

21. إن كان الكنافة بيدخلا توم، الموراني بيحب الروم.

22. شو محسب الناس بطيخ؟

23. كول بصل وانسا لي حصل.

24. يلي باعك ببصلة، بيعو بقشرتها.

25. شو أحلى من العسل؟ الخل ببلاش.

26. الملح داب والعيش أكلته الكلاب.

27. لي بيسرق البيضة بيسرق الفرخة.

28. بصلة المحب خروف.

29. عرض وكول من أكل البصل والفول.

30. جيب الحلو وقعاد قباله وإذا جعت كول من جماله.

31. ضربة ليفة ولا أكل نيفة.

32. العيش مخبوز والميه بالكوز.

33. ضرب الحبيب زبيب.

34. اكل الفلاح تفاح ..قال الفجل أحسن.

35. كل فولة وإلها كيال.

36. بيظمط متل الشعرة من العجينة.

37. إنت زرعتها مانغا طلعت فجلة.

38. اللقمة الهنية بتكفي مية.

39. العرق ما أبيضو بالكاس وما أسودو بالراس.

40. لي بدو ياكل عسل بيصبر على لدغ النحل.

41. فراح يا كرشي جاري طبخ محشي.

42. خود من الفجل الورق ومن اللحم المرق ومن الحمّام العرق.

43. ما وقع السكر بالمي.

44. عطي خبزك للخباز ولو أكلو نصو .

45. الله يرزقنا الطحين تنسمعكن طق العجين.

46. اللي بكبِّر لقمتو ، بيغصّ فيها .

47. هيدا عضم سمك ما بينبلع.

48. الله بطعمي نجاص ليلي ما عندو ضراس.

49. أرخص من الفجل.

50. متل الفستق الفاضي، إلو طقّة ومالو معنى .

51. صار ملح وداب.

52. تينه جنب تينه بتستوي.

53. العدس بترابو وكل شي بحسابو.

54. كول توم بتنسا الهموم.

55. كل شي بالنظر إلا الجوز بالحجر.

56. الخل في الحل.

57. رز ولبن عافية على البدن.

58. – الخبز الحاف بيعرض الكتاف.

59. وجع بطني ولا كب أكلي.

60. دق المي مي.