جاهزين تستكشفوا موقعنا؟ اسألوني أي شي!

شو مشاريعنا

بيت كفون: بيت الأحلام وجار السما بجبيل

بيت كفون بيت مكنكن منمنم عتيق بجبيل.

جارو وأحلى صديق الوادي الأخضر ومزين بجمال الحجر وأحلى قعدة بالليل على ضو القمر.

بيت كفون بيت عائلي لبناني أصيل مع جنينة كبيرة وإطلالة رائعة على الجبل وشجر الزيتون والجوز والرمان.

هل بيت انبنى سنة 1885 وكان عبارة عن مطحنة زيت زيتون بساحة الضيعة تحكي حكاية الأجداد حتى تم تجديدها وتحويلها لهل البيت.

كفون ضيعة صغيرة رايقة بقضاء جبيل، بترتفع 400 متر عن سطح البحر و بتبعد 10 دقايق بالسيارة عن جبيل.

هالبيت ومحيطه مكان مثالي لمشي مسافات طويلة وللهايكينغ إذا كنتوا من محبي الطبيعة والرواق وصوت العصافير ونسمات الشجر.

وفيكن تجيبوا كمان معكن الكلب أو البسينة تبعكن لأن بيستقبل الحيوانات الأليفة.

بيبعد هل بيت 4.6 كم عن محمية بنتاعل الطبيعية و13 كلم عن مار شربل عنايا.

بيت كفون بيتألف من أودة قعود كبيرة مع قنطرة حجر، مطبخ، أوضة سفرة وأوضتين نوم وحمام وديكور تراثي بلدي وقعدة على السطيحة بتشق النفس.

بيت كامل متكامل مجهز بكل وسايل الراحة والتدفئة. وكل عدة الشوي موجودين لتعملوا أطيب باربكيو على السطيحة!

بيت كفون: جار القمر وبيت الأحلام!

للمزيد من المعلومات اتصلوا على: 842 755 03