مطعم أبو عباس: لقمة فتة، لسانات، فخارة الغوالي، نفس وإحساس بالنبطية

صار بدا مشوار خص نص على النبطية لتاكل أطيب ترويقة بالعالم!

في أطيب من صحن الحمص عبكرا؟ أو صحن البليلا وفتة مسقعة مع لبن غير شكل وقرشة خبز المحمص؟

تفضلوا على أطيب فتة عصب ولسانات من تحت ديّات أبو عباس!

بزواريب النبطية وبحيّ السراي تحديداً مطعم بيعمل ترويقة جدي على الأصول وبيفتح كل أيام الأسبوع إسمه مطعم أبو عباس.

هونيك بتلاقوا أطيب صحن فتة بالعالم! المطعم مكنكن مع قعدة تراثية و لقمة الهنا.

جربوا الحمص مع العصب واللسانات، حرّ وصلصة سرية على الوج! لقمة وحدة من هالطبق حتخيلكن ترجعوا كل أسبوع: يا باطل!

إذا بتحبوا البيض المقلي، أو الفته يلي على وجها قلوبات مقرمشة، او البليلة يلي بتتقدم مع خبز طازة، المسّبحة أو المشّوشة المعمولة على الأصول أكيد رح تكونوا مبسوطين عند أبو عباس.

أبو عباس رح يستقبلكن ويغنجكن ويشهيكن ويفرجيكن كيف بيعمل أطيب لقمة حمص!

جربوها وخبرونا شو رأيكن!

الرقم: 126 912 70