جولة على أطيب الأكلات الشعبية بطرابلس

طرابلس مدينة التراث والأصالة والحب والأكلات الشعبية الطيبة. بس تمشوا بشوارع طرابلس رح تحسوا بالتاريخ والحضارات وطيبة أهلها وتشموا ريحة الأكل الطيب والكرم. لنعلرفكن أكتر على طرابلس، رح نعمل جولة على بعض أطيب الأكلات والحلويات الشعبية الموجودة بطرابلس.

1. ترويقة تراثية عند عكرة

لما تقرروا تروحوا مشوار على طرابلس، عملوا حساب تروحوا على عكرة عالصبح! ما في أحلى من ترويقة الفول والحمص عالصبح، وصدقوا إنو في ناس بتجي من كل المناطق اللبنانية لتستمتع بهيك ترويقة. حتى طريقة التحضير كتير تراثية بينعملوا بالجرن وبينسكبوا مع حب مع صحن خضرا من الجنينة. ما تنسوا تجربوا الفتة!

الرقم: 215 426 06

2. ساندويش مغربية عند دبوسي إخوان

طرابلس، هي المحل الوحيد بالعالم لي بيعمل ساندويش مغربية. الطلب عالمغربية كتير كبير لأنها أكلة شهية، و بتنباع بسندويشات أو بالصحن، عطول مع كبيس ولفت. ساندويش زغيرة بس بتعبي البطن على الآخر.

الرقم: 668 447 06

3. كعكة طرابلسية عند كعكة أبو دانيال

بطرابلس في أكلة شعبية ما فيك ما تدوقها هي الكعكة الطرابلسية، هيدا الطبق لي توارث من جيل لجيل بطرابلس بيتألف من الخبز السخن والجبنة ورشة سماك. بيعملوا كمان كعكة فور تشيز وتورتيا مع خضرا، شي ما بتلاقوا غير فيكي يا طرابلس.

الرقم: 456 108 03

4. صحن طبخ عند بيتنا

كل الطبخات الطيبة موجودة عند بيتنا من الرز على اللحمة، الرز على دجاج، الرز على بازيلا، الكبة بلبنية السمكة حرة وكل أنواع المشاوي والنية وصحون الميزا اللبنانية. الطعمة شي ما رح تنسوها بحياتكن!

الرقم: 414 201 06

5. كباية عصير خروب من السوق

هالكباية بتتميز بلونها الأورانج الشهي والطعمة المسقعة ولا أطيب بعد الكعكة.

6. سفيحة كفتا عند مطعم السعادة

تعتبر سفيحة الكفتا تعتبر من تراث طرابلس، الطلب عليها كتير كبير لأنها أكلة شهية، بتتقدم مع صلصلة حرة ورشة حامض وكاسة عيران: كلوا وشكروا!

الرقم: 642 434 06

7. حلاوة الرز عند الحلاب

معقول تروحوا على طرابلس وما تجربوا الحلاب؟ أكيد ما بيكمل المشوار من دون كاسة رز بحليب من عند الحلاب، معمولة من الرز والجبنة البلدية ومي الورد والزهر المقطّر المحلى وبتشبه بشكلها حلاوة الجبن وريحتها متل الورد.

الرقم: 445 444 06

6. شاورما طرابلسية عند عالطريق

الشاورما بطرابلس مختلفة كلياً عن بيروت وعن البقاع الخبزة بتصير خبزتين، مرقوق وخبز لبناني مطعمة بالتوم وحبات الكبيس، مع بطاطا وشاورما شهية. الحلو بهل مطعم إنو بيجي الأكل لعندك بالسلة متل بالأفلام مع شرشف أحمر وأبيض وقعدة تراثية وكاسة توم وصحن بطاطا معرم.

الرقم: 981 175 70

8. مفروكة عند حلويات المبسوط

تعتبر المفروكة من أطيب الحلويات السخنة، معمولة من السميد المحلى، وبينسكب عليها كريما حبات لوز مقلزة، مربى الطحين.

الرقم: 209 628 06

9. كباية شراب التوت من السوق

ما في أطيب من هل المشروب البارد من بعد وجبة أكل تقيلة.

10. كباية بوظة على ليمون من السوق

شي كتير طيب ومش كتير حلو وببورد.

11. قهوة لبنانية عند أبو زكي

القهوة بطرابلس غير شكل! ريحتها بتشهي وعمتها قوية مخلوطة بين الحلو والمر.

12. بوظة عربية عند Bouche Sucrée

السوربي على سمسمية مغطس بالفستق رح ياخدكن على عالم تاني. لازم تجربوا كمان بوظة على فستق مغطسة بحبات الفستق الشهية.

الرقم: 444 211 06

13. حلاوة شمسية من السوق

الحلاوة الشمسية موضوع تاني بطرابلس هيدا الطبق اللي توارث من جيل لجيل بطرابلس والمكلل بالقشطة رح ينسيكن حليب إمكن.