لقينا أطيب ترويقة ببيروت عند الشيف شادي

إذا كنتو مارقين ببادارو بشارع المحلات، رح يلفت نظركن محل فلافل، فتة وفول مهضوم. مننصحكن ما تفكروا مرتين وتفوتوا لعندو، وتتعرفوا على الشيف شادي: صواني فلفول.

الشيف شادي لف العالم كلو وقرر ب2017 يترك الدني ويرجع على لبنان ويعمل أطيب صواني فول، فتة وحمص بلبنان.

صواني فلفول إنشهر بأطيب صحن فتة حيدرية بقلبا أكتر من 13 وحدة سفيحة، سمنة وحمص، مكونات طازة، وعجينة بتشهي ورقيقة.

يلي ما أكل شيش برك عند فلفول يعني بعد ما أكل شي!

فيكن تاخدوا صحن فتة لسانات أو فتة الشيش برك وفتة السفيحة وكمان في فتة مقادم، وفيكن كمان تجربوا خلطات كلاسيكية وطيبة متل الفول المدمس، الفلافل، حلوم، مسبحة أو لبنة وكمونة وكشك محرور.

الحلو إنو الشيف شادي، بحضر كل شي على إيدو واللحمة طازة والخضرا فريش.

الأسعار بعدها مقبولة والجودة بتجنن! وكمان بوصلوا ديليفيري.

شو كمان في؟ الحلو عند فلفول شي بشهي… الكريم برولي شي بيتميز في الشيف شادي وكمان الكنافة عند فلفول غير. كمان بتفلوا بتاخدوا معكن أطيب أطرميز مكدوس من البقاع على البيت.

متل ما بقول الشيف شادي: “الفول إلو ناسو وفلفول أساسو “.

صحتين!

العنوان: باداروا، شارع جورج كاترو

الرقم: 212 382 01