فرن الرحباني… أطيب منقوشة بلبنان

في فرن مهضوم كتير بالبترون عندو أطيب منقوشة، قصدنا نجربوا ونخبركن عن تجربتنا: فرن الرحباني.

يعني الخبرية وما فيا إنو بيعملوا مناقيش كتير طيبين، معجنات وبريوش كمان.

أول ما شفنا الصور نغرمنا بالفطاير، شي بشهي!

لو تشوفوا المعجنات والبيتزا وريحة الخبز الطيبة! الحكي كلو ما بيوصف قدي طيبين.

بيعملوا كمان سفيحة، منقوشة خضرا زعتر رولز، سفوف وحلويات بالعجين. شي ما فينا نقاوموا! شوفوا هل الصور شوفوا!

هيدا كلو وبعد ما شفتوا شي! سامعين بمنقوشة البقلة مع خضرا؟ هاي رح تخليكن ترجعوا كل مرة عند الرحباني لأن الخلطة بتعلق فيكن والطعمة شي رهيب.

شوفوا الزعتر مع خضرا والكشك. شي متل الخيال.

على كل حال، الحكي مش متل الشوفة! لازم تجربوا وتخبرونا رأيكن!

بتلاقوا فرن الرحباني بقلب السوق العتيق ما بضيع أبداً. كزدورة على البترون ما بتشكي من شي لأن كل منقوشة حرزانة.

الرقم: 829 877 70