شوفوا أطيب ترويقة بلبنان عند هل ٩ محلات
الترويقة بلبنان إلها أصولها وكل محل بحب يتفنن أكتر من التاني. نحنا ببيروت. كوم تعودنا نخبركن عن الجواهر المخفية بهل البلد واليوم رح نعرفكن على ٩ جواهر مخفية بتعمل أطيب ترويقة لبنانية.
١. فرن دلال، شبطين-البترون
فرن دلال فرن عائلي صغير بضيعة شبطين بالبترون بيعمل أطيب مناقيش ومورقة. هل فرن مشهور بمناقيش البقلة الطازة والسبانغ ومنقوشة الكشك البلدي الغير شكل. القعدة مهضومة بالفرن وبطقس الحلو صار فيكن تستمتعوا بالقعدة برا والمرجوحة. بس تخلصوا أكل فيكن تروحوا تتمشوا بضيعة شبطين، تكتشفوا المنطقة الحلوي وتشموا هوا نضيف. وهلق صار وقت نشوف المشوار عند دلال كيف بكون بهل فيديو.
الرقم: 778 882 78
٢. صواني فلفول، بدارو
صواني فلفول إنشهر بأطيب صحن فتة حيدرية بقلبا أكتر من 13 وحدة سفيحة، سمنة وحمص، مكونات طازة، وعجينة بتشهي ورقيقة. فيكن تاخدوا صحن فتة لسانات أو فتة الشيش برك وفتة السفيحة وكمان في فتة مقادم، وفيكن كمان تجربوا خلطات كلاسيكية وطيبة متل الفول المدمس، الفلافل، حلوم، مسبحة أو لبنة وكمونة وكشك محرور. الحلو إنو الشيف شادي، بحضر كل شي على إيدو واللحمة طازة والخضرا فريش والقعدة ما في منا.
العنوان: باداروا، شارع جورج كاترو
الرقم: 212 382 01
٣. فرن وشباك، فرن الشباك
فرن وشباك فرن تقليدى لبناني بفرن الشباك مناسب لترويقة مع العيلة كلها. العجينة كتير طرية وريحتها حلوة كتير والسر بالمكونات إنو طازة وبدوبوا بالتم من أول كدشة مع قرشة زغيرة. الجو ولا أروع من هيك بهالفرن، العجينة بلدية والترويقة غير شكل.
للإتصال: 918 280 01
٤. فول بيتوتي، حارة حريك
إذا مش حبابين تبعدوا كتير، هل محل عندو قعدة مهضومة كتير وترويقة بلدية طيبة على الصبح. شوفوا القعدة برا بترد الروح والقلب، لقمة طيبة وكمية كبيرة.
الرقم: 740 474 71
٥. فرن كريكور، بسكنتا
فرن كريكور تأسس من 56 سنة، وبعده عمو كريكور لليوم بهمته، واقف على إجري عم يعجن ويخبز ويعمل أطيب مناقيش معقول تاكلوها. غير إنو أكله بشهي، كمان عندو أطيب قلب وروحه بتجنن وهيك القعدة عندو بتقطع من دون ما تحسوا بالوقت.
الرقم: 293 280 04
٦. حطبة ونار، القبيات
إذا عندكن مشوار صوب هل الضيعة الحلوة يعني لازم تقطعوا عند الشيف طوني ليحضرلكن أطيب مناقيش على التنور. لو تبرموا لبنان كلو ما بتلاقوا متلا، فيكن كمان ضلو للغدا وتاكلوا شاورما على التنور من إختصاص هل فرن.
الرقم: 798 758 03
٧. إي بلدي، جبيل
إي بلدي جوهرة السوق العتيق المخفية مع قعدة ولا أجمل وأجواء تراثية ولقمة طيبة. بيعمل ترويقة لبنانية، فول، فتة، حمص، مناقيش وأطيب لقمة مع فنجان قهوة بشق النفس وقعدة رومانسية وألوان الربيع والطقس الحلو.
الرقم: 290 882 71
٨. دار كمون بيك، المنصورية
هل محل رح ياخدكن على طرابلس من دون ما تعملوا مشوار وتتكلفوا. بيعملكن ترويقة لبنانية تقليدية على الأصول. لما يكون طالع عبالكن فتّة أو فول، ما إلكن إلا كمون بيك.
الرقم: 464 506 76
٩. كيف جزين، جزين
هل محل متل حكايات الخيال، شوفوا الورد والياسمين، الشجر والعطر وريحة الأرض. الأكل بيجي على طاولتكن من المزرعة وبقدم أطيب المأكولات البلدية والطبخات اللبنانية مع شفة قهوة وجلسة من العمر.
الرقم: 449 441 70
