ميّل عالطيب: مناقيش صاج وترويقة غير شكل عند هل محل

فالوغا ضيعة “أول علم لبناني” وضيعة الصنوبر والسنديان وضيعة الجمال وضيعة بساتين التفاح والخضار والتلال المباركة والجمال الناصع والأكل الطيب وكيف إذا كان هل أكل الطيب مناقيش؟

بس تميلوا صوب فالوغا، شوفوا هل فرن المهضوم لي بيعمل مناقيش صاج ولا أطيب: فرن خير وبركة.

عندن منقوشة كتير طيبة حابين نخبركن عنا، منقوشة كوكتيل الكفتا عطريقة فرن خير وبركة: هل منقوشة فيها كفتا، مايونيز، بندورة وكبيس وخلطة سحرية.

إذا شي نهار مش عبالكن زعتر أو جبنة، طلبوا هالمنقوشة من فرن خير وبركة!

منقوشة البيض بكفتا كتير مميزة كمان وطيبة!

على فكرة العجينة هل فرن كتير طيبة، رقيقة وطرية وفيها قرشة زغيرة. المناقيش الزعتر والجبنة روعة كمان وبيجوا بكل الأشكال والألوان: شوفوا هل منقوشة على شكل قلب مليانة حب.

شو رأيكن بهل منظر؟

شي مرة مجربين منقوشة سجق على جبنة؟ بتجي قطع سجق طازة وسخنة بقلب عجينة طرية وبتشق النفس وبقلبها كمية جبنة موزاريلا سايلة وكتير طيبة.

مين بحب البيض بأورما؟ بتحبوها بعجينة المنقوشة أو بقلب الصحن مع مشطاح؟

شوفوا منقوشة الجبنة مع رشة زعتر!

يا هيك الفطاير ببطاطا بأورما يا بلا!

شوفوا هل الترويقة اللبنانية على الأصول: لقمة لبنة، زيتون، خضرا، شاي ومشطاح.

على فكرة فالوغا ضيعة حلوة كتير وقريبة من بيروت، يعني بدا تقريباً ربع ساعة من دون عجقة: ما في أحلى من البساطة وهيك مشوار بالسيارة مع لقمة منقوشة وحب.

الرقم: 505 548 70