٩ سناكات طيبة وخفيفة على الجيبة بلبنان

بهيك أوضاع صار كتير صعب نلاقي محلات بعدها محافظة على نوعية أكلها بأسعار مقبولة، لهيك جمعنالكن ٩ سناكات بيعملوا أطيب لقمة. سريعة بأسعار مدروسة.

١. الشو فروا، الدكوانة

صرلوا أكتر من 10 سنين بالمنطقة والقريب والبعيد والزغير والكبير بيطلب من عندو. إشتهر سناك الشو فروا بساندويش الفاهيتا وسندويش التشيك ساب لي بضيف عليهن لمسته الخاصة. لقمة طيبة، بتشبع، ومنيحة للجيبة.

الرقم: 126 684 01

٢. فول سلو، الأشرفية

هالمحل فتح جديد ولي بعد ما جرب الأكلات لي بيعملوها عم بروح علي كتير. بيعملوا ساندويشات ولا أطيب من هيك مع قعدة مهضومة ولقمة طيبة: فلالفل، شاورما، فتة، حمص، بليلة، وكتير قصص طيبة.

الرقم: 744 778 81

٣. سناك مايك، جبيل

ما فيكن تروحوا على جبيل وما تاكلوا عند هل الجوهرة المخفية بقلب المدينة. بيعملوا أطيب ساب مارين غنية ، وصار الشيف مايك حديث الساعة لأكتر من 30 سنة. رح تبقى طعمة ساندويش الدجاج تحت تمكن ورح ترجعوا مرة تانية وتالتة!

الرقم: 157 240 03

٤. سناك حمودي، مفرق البستان الكبير-صيدا

اشتهر سناك حمودي باأطيب فرانسيسكو وسندويش السجق لي بضيف عليهن لمسته الخاصة. لقمة طيبة، بتشبع، ومنيحة للجيبة، سناك حمودي هوي فعلاً جوهرة مخفية. ملاحظة: هيدا مش يلي بزقاق البلاط.

الرقم: 034 876 70

٥. سناك علوشي، جناح

إذا عبالكن برغر معرمة محشية جبنة ولحمة وبطاطا، هل محل رح يعملكن أطيب برغر. سناك علوشي بيعمل أطيب الوجبات السريعة بأحسن الأسعار.

الرقم: 874 984 70

٦. ميني غات Miniguette، كل الفروعة

هل محل بيعمل كل أنواع المأكولات السريعة والفاست فود: ساندويشات، برغر، صلطات، دجاج كريسبي وكومبو- وأكيد كلو خفيف عالجيبة وعطول في عروضات!

العنوان: المكلس، سليم سلام، سنترو مول جناح

الرقم: 536 658 01

٧. تيكو تيكو، الدكوانة

تيكو تيكو محل القصص الطيبة والدجاج المقرمش، عندو تشكيلة سندويشات غير شكل وبرغر طبقات، طيبة و خفيفة عالجيبة وساندويشات شاورما ولا ألذ.

الرقم: 086 461 81

٨. شادوس كيتشن، الحمرا

شادوس كيتشين سناك مهضوم فتح بشارع البعلبكي وبيعمل ساندويشات فاهيتا وساندويشات دجاج وتوم وأطيب لقمة بأحسن الأسعار. مش بس هيك، كل شي بحضروا على إيدن.

الرقم: 861 154 03

٩. سناك حسون، شارع الجاموس-حارة حريك

مننصحكن تطلبوا حيلا شي من البرغر اليومي. طلبوا برغر دجاج، وكريسبي تشيز برغر أَو دوقوا شقفة الدجاج المقرمشة وخليط الطعمات مع صوص المايونيز والجبنة الدايبة.

الرقم: 087 089 81