٩ محلات دجاج كريسبي متل “كي ف سي” وأطيب

لقينا 9 محلات دجاج بديلة ل”كي ف سي” ، كتير طيبين وبقرمشوا منيح بالتم!

١. كريسبي وفاهيتا، الغبيري

أصناف مقرمشة واختراعات ولا أطيب! من الأصناف المفضلة عنا فروج البروستد مع بطاطا وكبيس وسلطة. ضروري تجربوا!

الرقم: 017 455 01

٢. بونلس

لي بعد مش مجرب هل محل عم بروح عحالو كتير قصص طيبة. محل متخصص بساندويشات الدجاج على أنواعها وأسعارو مدروسة كمان. ضروري تجربوا ساندويش البونلس تشيكن، بتجي كبيرة كتير، محشية دجاج وبطاطا، مع قرمشة زغيرة وصوص باربكيو.

العنوان: جونية، بعبدا، بدارو، جل الديب.

الرقم: 292 566 70

٣. فرانش إيتيري

هل محل متخصص بالساندويشات والبرغر والقصص الطيبة ويلا. عطول بيعملوا عروضات والكمية لي بتاكلوها عندو كبيرة وبتشبع.

العنوان: مار مخايل، الحمرا، أوتيل موفنبيك

الرقم: 668 606 81

٤. تشيكس ألوت

بيعملوا ساندويشات دجاج كريسبي كتير طيبين، الدجاجة طرية والطبقة فيا قرشة مع صلطة وصوص لذيذة. شوفوا البرغر على دجاج كريسبي مع جبنة، البطاطا الملغومة بالجبنة والسبيشال برغر على كريسبي دجاج.

العنوان: بدارو، جديدة

الرقم: 346 872 81

٥. ميني غيت

هل محل مليان دجاج كريسبي وساندويشات وبرغر وبطاطا. من تشيكن برغر للكرسبي للجوانح…مافي شي ما حيكون عذوقكن.

العنوان: سليم سلام، سينترو مال، المكلس

الرقم: 833 814 01

٦. بوبايز

مين مغروم بالكريسبي؟ هل محل بيعمل كل شي مقرمش، الدجاج كريسبي عندن بيطوش، بيعملوا بروستد، ساندويشات جروانح وبرغر على دجاج.

العنوان: الروشة، صيدا، صور، حارة صيدا

الرقم: 512 812 01

٧. ليتوس ميت

إذا شي تعوا على هل محل على معدة فاضية لتاكلوا من كل شي. بيعملوا برغر كتير طيبة على لحمة وكريسبي دجاج وبطاطا مقلية كتير كتير طيبين.

العنوان: جناح، مار مخايل

الرقم: 249 282 70

٨. تشيكن واي، حارة حريك

مين بحب الدجاج المقرمش؟ هيدا محل شغلتن الكرسبي تشيكن! بيجي بالساندويش، بالبرغر، بالصنية وبطبقات البرغر.

الرقم: 741 559 01

٩. بيك، الجميزة

بتحبوا الفراريج؟ كيف بتحبوهن مشويين أو مقليين؟ هل محل بيعمل التنين وكل لقمة بتشهي أكتر من التانية. لحمة الدجاج مستوية منيح وطرية ومغمسة بأطيب صلصلة. عندن كمان كريسبي برغر بشهي. ومش بس هيك هل دجاج صحي كتير وخالي من الهرمونات والمواد الحافظة.

الرقم: 414 564 01