شو عاملين هل ويك-أند؟ إذا محتارين شو تعملوا يلا على بستان الحور يلي رح يستقبلكن أحلى استقبال بأحضان الطبيعة.
هل محل بنظم نشاطات مسلية للكبار والزغار طول النهار وبقدم بوفي بشهي بنص الطبيعة.
ما فينا نخبركن عن جمال هل بستان المغمور بالطبيعة وجمال السهرات المكنكة حد النار والموسيقى والفرح والبسط.
بالبستان بيعملوا تحديات مهضومة وألعاب بتسلي بين الزوار والعيل والأصحاب متل لعبة شد الحبل ومسابقة مين بياكل عرانيس درا مسلوق أكتر وتحدي البوشار.
جيبوا ولادكن معكن لأن رح يكيفوا! رح يطلعوا بالشخطورة، يشوفوا شخصيات كرتونية، يسبحوا بالبيسين، يطلعوا بالحبل فوق النهر وياكلوا أطيب أكل.
الولاد رح يفلتوا بهل مساحة الطبيعية ويتفرجوا على البحيرة والشجر والأكل الطيب.
مش بس هيك، رح يشوفوا الحيوانات ويطعموهن! إنتو وعم تشربوا أطيب شفة قهوة وتسترخوا مع هل برودات الحلوين.
فيكن كمان تركبوا ATV وتشاركوا بالألعاب الخارجية أو تركبوا على الحصان.
صديقنا الأرنب كمان موجود!
كل حدا رح يلاقي الشي يلي بحبوا بهل محل.
قدام المشاوي كلنا رح تشط ريلتنا!
شو بعدكن ناطرين؟ يلا على البساتين!
للحجز والإستفسار اتصلوا على الرقم: 898 502 03
العنوان: برالياس – السهل، زحلة