٨ محلات فيكن تعملوا فيهن صبحية بالشمال

لقوا نظرة على هل جواهر المخفية بالشمال!

١. غرين هاوس، البترون

هل محل بيعمل أطيب أنواع الأكل الإيطالي مع فنجان شاي من كل الأنواع والألوان والقعدة عندو ريفية فيها لمسة عصرية بيطغي عليها الجو غجري والمناظر لبطير العقل.

الرقم: 310 125 70

٢. جيسي جوس، الكورا

هل محل هوي ليلي ضرسن حلو وعبالن يتحلوا بشي أول ما يفيقوا، بتلاقوا عندن كريب، بوظة، كوكتيل، وافل، وعصير وقصص طيبة.

الرقم: 390 954 06

٣. كافي عيروت، اهدن

هل محل قاعد بنص ساحة الميدان لكل يلي بحبوا السحلب والقعدة والأكل الطيب وفنجان قهوة على الصبح.

الرقم: : 884 383 03

٤. روت، حصرون

محل موجود بالطبيعة الحلوة بين الشجر والورد، عندو قعدة بطير العقل برا مطرح ما فيكن تاكلوا أطيب ترويقة بلدية.

الرقم: 829 000 71

٥. سارة وكريم، طرابلس

عم فتشوا على محل ملونة ومزين بالزهر؟ هل محل موجود بطرابلس وبس توصلوا رح تستقبلكن ريحة القهوة الفريش والشوكولا. عند سارة وكريم بتلاقوا قعدة غجرية وأطيب ساندويشات وكيكات شوكولا معمولة على الإيد مع فنجان شاي أو قهوة.

الرقم: 705 219 06

٦. ليف، البترون

ليف بسوق البترون العتيق، بس تتعرفوا على هل محل رح يصير بيت أسراركن المفضل، عندن كل أنواع القهوة طيبة والشهية وبحضروا كل شي قدامكن لتستمتعوا بالريحة والطعمة. السباشيل ليف قصة عندن بتجمع كل طعمات القهوة بفنجان واحد، شي متل الخيال. لو تشوفوا القعدة شو حلوة: بيت حجر، إضوية خافتة مع لمسة عصرية.

الرقم: 220 229 71

٧. كوبا كافي، القبيات

إذا كنتوا بجوار ضيعة القبيات، هل محل بيتميز بكرموا وقعدتو الحلوة وبقهوتو الشهية والغنية وصاحب القهوة كتير مهضوم. فنجان قهوة معرم مع قطعة كيك بالشوكولا، عم تتخايلوا الطعمة؟

الرقم: 840 351 06

٨. تشرين، إهدن

مجربين أطيب ترويقة بالدني؟ محل زغير خشب بيعمل أطيب مناقيش بالضيعة مع منظر بطير العقل، تشرين هو المحل المثالي لكل مين بحب الترويقة اللبنانية البلدية على أصولها مع أطيب فنجان شاي.

الرقم: 636 433 81