نسمة غنوة: لقمة سمك وقعدة ساحرة ناطرتكن على البحر

إجت الصيفية والطقس كتير حلو والشمس بتجنن وصرنا عم نفتش على أحلى محلات فينا نروح ناكل فيها لقمة طيبة على البحر مع منظر حلو بالليل وبالنهار.

رح ناخدكن اليوم على نسمة غنوة ب عمشيت – من أجمل مطاعم السمك بالبلد.

أول ما تفوتوا من الباب رح تحسوا حالكن سافرتوا على جزيرة باليونان، كل شي حواليكن أبيض وأزرق والمي تحتكن.

المكان مزين بالزهور وريحة البحر مع أضوية خافتة بتضفي على المحل سحر وجمال.

القعدة على البحر والأكل الطيب واصل فريش من البحر على صحنكن.

رح تلاقوا مازة لبنانية على أنواعها وكل أنواع السمك وثمار البحر الطازة المعمولة بأطيب الخلطات.

شي مرة مجربين كبة السمك؟ نسمة غنوة بيعملها وبتطلع أكلة.

وفي كمان طبق الباستا على قريدس شي بشهي!

أكلات هل محل رح يفوتوا على قلبكن قد ما طيبين!

طلعوا زيارة على عمشيت وشوفوا هل مطعم وعملوا سبحة أو غطسوا إجريكن بالمي بعد الأكل، وبطريقن قضوا النهار بعمشيت!

للحجز اتصلوا على: 227 454 03