١٢ شغلة اشتقنالها من مسابقة ملكة الجمال لبنان

اليوم رح يرجع حفل ملكة جمال لبنان من بعد غياب أربع سنين ورح تسلم مايا رعيدي اللقب لصبية جديدة، ولنفوت شوي بالجو، حبينا نذكركن بالقصص الطريفة يلي كانت تصير كل سنة بحفلة ملكة جمال لبنان. ١. السؤال الموحد لي عطول ببلش جوابو ب أول شي Bonsoir ٢. غنية الرحابنة الشهيرة: “للصبية الملكة تاج وصولجان طلعت من الحكاية قمر الزمان يا ساحات مزينة يا حلم و زار الدني أجمل من ألف ليلة ليلة من لبنان” ٣. أو غنية “كل شي معقول يصير عنا الليلة، بيتغير مصير صبية، صبية حلوة” أكيد بلشتوا تغنوهن بقلبكن ٤. بس يصير كل حدا بالبيت ينقي مشتركة مفضلة وتتخانقوا مين لازم تطلع الmiss ٥. تحسوا بدكن تبلشوا رجيم نهار التنين بعد ما تشوفوا أول جولة للصبايا بالمايو وتتأملوا جسمن الحلو ٦. ما بيقطع حفل ملكة جمال من دون ما يذكروكن الأهل بالبيت إنو جورجينا رزق كانت ملكة جمال الكون وما بيجي حدا متلها ٧. فقرة الهوايات، الكل بحب السفر والمطالعة والسباحة ٨. السؤال الغريب عجيب لي عطول بينسأل: برأيك شو أهم شي للملكة، الجمال الداخلي أو الجمال الخارجي؟ ٩. والجواب الشهير: أول شي Bonsoir وتاني شي أكيد الجمال الداخلي والسلام العالمي، ولازم يصير في سلام بلبنان والعالم كلو وتوقف الحروب ١٠. كلنا مننطر فقرة الجوايز ومنصير نحسدها للملكة على المصاري الكاش والسيارة والهدايا ١١. ما حدا كان يفهم ليش تلات رباع المشتركات بكونوا من جامعة الUSJ ١٢. وبالآخر بيجوا فرقة كاراكيلا بيعملوا رقصات عنجد اشتقنا!