شوفوا معنا هل بيت لي رح يسحركن بالشوف

إذا كان عبالكن تسافروا من لبنان وما سمحتلكن الظروف، رح نعرفكن اليوم على بيت ضيافة موجود بأحضان ضيعة بقعاتا بالشوف لي رح يحسسكن إنكن بغير عالم.

كنا كتير مبسوطين بس اكتشفنا بيت عين وزين لي مش كتير بعيد عن المدينة بس رح ينسيكن عجقتها.

طلعوا على الجبل، شموا هوا نضيف وعيشوا يومين حلوين واكتشفوا الطبيعة الحلوة!

بيت مجهز بكل شي من البابوج للطربوش وبيتألف من 3 غرف نوم وطوابق من مختلف الأحجام، غرفة زغيرة، متوسطة وغرفة كبيرة.

المطبخ كمان مجهز بكل شي وكتير مرتب وفي محل مخصص للشوي.

في كمان جنينة مع قعدة ومنظر بطيرو العقل مطرح ما فيكن تستمتعوا بفنجان قهوة الصبح أو العصرونية، تقروا كتاب أو تسترخوا.

في كمان تراس عندو قعدة على المرجوحة بترد الروح.

أكيد ما بتكمل القعدة من دون بيسين! هل بيت بيتمتع ببيسين خاص بيكشف على أجمل المناظر الطبيعية وبالليل بكون ضاوي والقعدة في بتاخد العقل.

تخايلوا حالكن قاعدين بالمي، عم تستمتعوا ببرودات الشوف الحلوين على الآخر، عم تشربوا كباية مي مسقعة وتسترخوا وتسرحوا بأفكاركن.

الخبرية الحلوة إنو هل محل بيبعد 5 دقايق بس عن المطاعم والمحلات بالمنطقة وفيكن كمان تطلبوا ديليفيري وإذا عزتوا شي أصحاب البيت بساعدوكن وبيهتموا فيكن.

أكيد رح تشربوا أطيب فنجان متة بالجنينة!

يعني فعلاً هل محل جنة!

هلق رح نخبركن عن الأسعار بالويك-أند على الليلة لتاخدوا فكرة إذا بهمكن تحجزوا:

الشقة لي بتساع 3 اشخاص: 70$

الشقة لي بتساع 5 أشخاص: 100$

الشقة لي بتساع من 6 ل7 أشخاص: 120$

فيكن كمان تحتفلوا بمناسباتكن الخاصة بهل مكان أو تقضوا شهر العسل.

العنوان: بقعاتا، الشوف

للمزيد من المعلومات والحجز اتصلوا على: 892 559 71

المزيد عن الشوف: ١٠ محلات ساحرة بأحضان الشوف ضروري تتعرفوا علين