كارافانات وبيسينات ومطعم نقال… تعرفوا معنا على هل مشروع المميز بصيدا

مشوا معنا بجولة مميزة على مشروع كارافان المميز لنكتشف سوا شو سر هل محل!

كارافان عبارة عن أوتيل ومطعم ومنتزه ببستان النخيل الأول من نوعو بلبنان.

قد ما نخبركن قدي هل مشروع مهضوم بضل الحكي مش متل الشوفة.

المشروع قسمين، قسم كارافان وأوتيل مع برايفت بيسين لكل كارافان والقسم التاني مطعم ومنتزه وسناك وألعاب للولاد.

المطعم النقال بقلب كارافان بقدم كل شي من سناك وبلايات وأرغيلة وكافي وحلو، مشاوي، بوظة ومشروب وترويقة على ذوق ذوكقن وفي كمان محل مخصص للولاد إذا حبيتوا تجيبوهن معكن.

على فكرة أسعار المطعم مدروسة كتير بالنسبة لهل وضع وبنفس الوقت ما رح تصدقوا قدي طيب يعني مثلاً صحن المشاوي رح يكلفكن 000 270 ل. ل. وصحن طاووق 000 210 ل. ل. وصحن عصير فريسكو مشكل فواكي 000 30 ل. ل. وكباية بوظة 000 60 ل. ل.

هلق مشوا معنا على الكارافانات لتشوفوا وين فيكن تناموا أو تقضوا نهار بمحل private بس لإلكن مع بيسين وجنينة، إذا بتحبوا المغامرات والقعدة المكنكنة، هل مشروع مألف من عدة كارافانات ملونين وهيك كتير مهضومين، في من كل الأحجام، زغار، وسط وكبار.

شو المفاجأة الحلوة؟ كل كارافان بتتمتع ببيسين خاص وجنينة يعني هيك فيكن ترخوها على الآخر وكمان بيطلعلكن مع النومة ترويقة غير شكل.

ومش بس هيك في مغامرة لازم تجربوها بس تكونوا بهيدا المحل: مشوار على البحر بالتوك توك مسافة 600 متر لكل حدا نازل بالكارافانات والمطعم.

هلق رح نخبركن عن أسعار النومة والقعدة بالكارافانات:

الكارافان الزغيرة

نص الجمعة:

النومة: 100$

القعدة كل النهار: 80$

ويك-أند:

النومة: 120$

القعدة كل النهار: 100$

الكارافان الوسط

نص الجمعة:

النومة: 100$

القعدة كل النهار: 80$

ويك-أند:

النومة: 130$

القعدة كل النهار: 100$

الكارافان الكبيرة

نص الجمعة:

النومة: 150$

القعدة كل النهار: 120$

ويك-أند:

النومة: 180$

القعدة كل النهار: 150$

بهيدا المحل الفرح والبسط ما بيخلصوا! يلا نروح على كارافان!

العنوان: أبو الأسود طريق عام صيدا صور القديم

الرقم: 429 998 78