ليستات
١١ نوع من الأصحاب منشوفن بكل ضهرة
بتكتر المشاوير والضهرات وبتكتر الذكريات الحلوة مع الأصحاب. فعملنا هيدي الليست لنذكركن برفقاتكن السألين والمهضومين بكل ضهرة ومشوار.
١ – يلي شغلتو يخرب الجو
هيدا المخلوق بحب ينق ع الصغيرة والكبيرة…الأكل مش طيب أو ليش جبتونا لهون ما لقيتو غيرو هالمحل….
٢– أبو عجقة
“شو كيف الأكل عاجبكن؟ مرتاحين؟ عايزين شي؟”
بكون مخطط للمشوار كلو و بحب يتطمن ع الكل انن مبسوطين…بحس براحة نفسية.
٣– يلي بضلو عالتلفون
وين ما راح واجا حامل هالتلفون وعم يحكي. بقلك انو اي عم يسمعك بس مش مستعد يتخلى عن تلفونو لحظة.
٤– أبو بطن
بضل حكيو أكل وأكل وأكل…ذوق هاي شو طيبة و ليك هالتبولة عنجد رهيبة…حيصرعك.
٥– يلي بخاف كتير
هيدا بيضهر كأنو محضر حالو لأسوأ السناريوهات. بقلك انتبه تدعس هون أو ما تأسرع انت و عم تسوق وعطول بتلاقي معو علبة بنادول بالشنطة.
٦– الجرصة
بحب يحكي بصوت عالي وعطول عنده ضحكة غريبة بتلم العالم عليكن.
٧– الجقجاق
أحب شي ع قلبو يراقب غيرو بالمحل يلي ضاهرين عليه ويعلق. ليكي هاي شو لابسة وهيديك شو عاملة بحالها.
٨– يلي عطول مرتب حالو
إذا بتقلو رايحين مشوار صغير أو ع عرس نفس الشي. بيجي مرستق ومزبط حالو من فوق لتحت ع آخر موضة…
٩– المصور الشخصي
ما بيتركوا ولا زاوية إلا بصوروها. بحبو ياخدو لقطة لكل لحظة بلحظتها ويتفنن بالتصوير. يعني عادي يقلك أطلع ع الشجرة هونيك الضو أجمل للصورة.
١٠– هيدا يلي بعدو تارك جديد
بدو يحاول ينسى ويرفه عن حالو شوي بركي بخفف من الوجع يلي حاسس فيه. بس كل الأحاديث بتكون عن أديش مشتاق لريحة شعرات الأكس و كيف كانت تحب البيتزا النباتية.
١١– الأخوت
هيدا عطول بتكمشو عم يعمل أغرب الإشيا هيك مسخرة. يا بيعملك جو وأكشن أو بيعملك وجع راس!
شوفوا كمان: ضيعة كراشز: ٨ أشخاص عشنا معهن خيالات غرامية بالضيعة.