٨ مطاعم لازم تجربوها بالنبطية

ضربكن جوع آخر الليل وعم تفتشو على أكل طيب بالنبطية؟ شوفوا معنا هل ٨ مطاعم بالنبطية لتجربة أكل رهيبة وما بتنتسى.

١ – أليجيوم

مين ما بحب الأكل الطلياني؟ جربوا كل شي بيخطر عبالكن من أطباق إيطالية شهية بهل مطعم. القعدة كتير كلاسكية و كوزي بين شجر الزيتون وسما الجنوب فوقكن.

الرقم: 943 909 70

٢ – أديكت برغر

جايي عبالكن برغر دسمة وكتير طيبة؟ جهزوا حالكن لتاكلوا برغر أصلية بقدموها مع بطاطا مقلية كتير مقرمشة وصوص خيالية. كل هيدا واكتر بس ب200,000 ل.ل.!

الرقم: 503 763 07

٣- بيت الزمن الجميل

حيرجعكن بيت الزمن الجميل الأثري سنين لورا بديكورو العتيق وأكلو اللبناني التقليدي يلي رح تاكلوا صبيعكن وراه.

الرقم: 222 429 71

٤- مطعم الأسطورة

اسم عمسمى! مطعم الأسطورة بقدملكن أطيب شاورما بالجنوب كلو وحتى عنده منيو توفير خصوصي. عندن التشكن شاورما خطيرة وبس ب 28,000 ل.ل.

الرقم: 111 145 71

٥- جاميكا هوت دوغز

مطعم جاميكا هوت دوغز مش للقلوب الضعيفة! لكل حدن بحب بطنو، في عندن هوت دوغ مميز وستيك لحمة مع صوص الفطر معمولة عالأصول.

الرقم: 774 649 71

٦َ- موغي تي

لمحبي الشاي والأكل الياباني لقينالكن مكان مميز. ما تروحوا تجربة هل اصناف اليابانية الطيبة، متل الدوراياكي اليابانية بالجبنة. كمان فيكن تتحلوا بكباية شاي البابلز بالحليب أو شاي خليط الفاكهة الفريش وفيكن تختاروا أي إضافات طيبة بتخطر عبالكن.

الرقم: 803 085 03

٧– آيس رول

متعة الصيفية بتبلش مع آيس رول. عندن الآيس رولز تحلاية فريش ولذيذة بتبورد بهالشوبات.

الرقم: 873 868 76

٨- سطيحة

أحلى سهرات مع أصحابكن بتلاقوها بس عند سطيحة. عندن سبيشل بار للمشروبات والكوكتيل وقعدة كتير حلوة ومريحة بتطل عسهل كفرمان.

الرقم: 829 038 03

شوفوا كمان هل قعدة المميزة على النهر بالجنوب!