على صوت المي الجارية: لقمة طيبة وجو جبلي وقعدة من العمر

ما في أطيب من أكلة مشاوي، بس عم تتخايلو حالكن عم تاكلو مشاوي على نهر الباروك؟

شوفو معنا قعدة بتاخد العقل مع أطيب اصناف المازة اللبنانية عند مطعم المضياف!

بيتمتع بجلسة على ضفاف نهر الباروك البارد بأحضان الطبيعة الخلابة وسط منطقة أثرية غنية بالشجر والمي.

هيدا المطعم إسم على مسمى: المضياف. فيكن تلاقوا هيدا المحل بقلب الباروك ويلي بحب الأكل لبناني عالأصول، ضروري يجربوا.

صوت المي رح ياخدكن على عالم تاني مع كل لقمة طيبة.

أما العيلات، بيقدروا يزوروا المضياف بدون ما يعتلو هم الولاد لإنو المضياف عندن ساحة وألعاب مخصصة للأطفال.

وليلي عبالو قعدة رايقة، لازم يطلع عالمضياف وقت مغيب الشمس ويسرد حد النهر ويشرب شفة قهوة. قعدة بترد الروح!

فيكن كمان تقروا كتابكن المفضل على صوت المي!

صدقوا القعدة نهار الأحد على الغدا غير شكل، الموسيقى، الأكل الطيب، الفواكي، وأكيد ختامها مسك مع الدبكة على الهوارة.

هيدا المحل معروف كتير بسبب القعدة الحلوة على الشلال والأكل الطيب. ما تروحوا على حالكن هيك تجربة.

الرقم: 169 444 03

عبالكن قعدة جبلية؟ تعرفوا على مطعم صخرة النهر: لقمة طيبة وفيو بطير العقل.