تعرفوا معنا على هالقهوة المهضومة بصيدا: قعدة ساحرة وشفة قهوة

لما يجتمع الجمال بالإبداع، بيطلع هيدا المحل.

عم تنبشوا عن محل موديرن مثير للاهتمام للاستمتاع بالقهوة مع شوية مشاعر؟ قهوة غرينز Green’s بصيدا رح تعيشكن الحلم لي عم تنبشوا علي من الزمان، هيي مزيج انتقائي بين الحلم الموديرن والحلم العتيق: رح تحسوا هل محل طالع من شي لوحة فنية عم بقدملكن نكهات العالم بطريقة موديرن ورومانسية.

المحل أكلو غير شكل والقهوة عندو بتسحر بريحتها وطعمتها، والأجواء كتير رايقة ومناسبة كمان لضهرة رومانسية.

مننصح فيه ذواقة القهوة. مع الخيارات الواسعة من أنواع القهوة الباردة والسخنة، مقدمة مع قطعة كايك أو قطعة جبنة، ساندويشات خفيفة أو ترويقة فخمة، هل محل مش رح يخيبلكن أملكن ولا لحظة!

القهوة كتير طيبة وريحتها رح تاخدكن على عالم تاني. حتى الألوان بتحكي!

رح تستحلوا على الأكيد السندويشات والإختراعات الفخمة لي بيعملوها وكمان العصير الفريش.

لازم كمان تجربوا الوصفات الخاصة بهل محل: شوربة الفطر المقدمة بصحن معمول من خبز: تجربة مميزة كتير!

وما تنسوا تتحلوا! مننصحكن بالpain perdu مع قطعة بوظة وصوص بتشهي، كتير طيب والكمية كتير كبيرة.

لتنهوا أو تبلشوا نهاركن الطويل بضحكة، قعدة عالرايق، أكل على الخفيف ومشروبات ولا أطيب، ميّلوا على غرينز Green’s.

الرقم: 355 755 07

تعرفوا معنا كمان على ٧ محلات بيعملوا أطيب فنجان شاي بلبنان.