مشوار على ضيعة القبيات: ٢٤ شغلة تعملوها بهالمنطقة

بأحضان الطبيعة بين شجر الأرز والصنوبر قاعدة هل ضيعة الساحرة الجمال، لي اتحولت من بلدة لشبه مدينة بالشمال بسبب تمتعها بكل الخدمات. توجت ضيعة القبيات من سنتين على عرش الجمال وتم اختيارها كأجمل ضيعة بلبنان ولي زاير هل ضيعة بيعرف بالفعل إنها الأجمل، بتتميز بمناخها وطبيعتها ومواقعها الأثرية والدينية وبتتألف من 7 أحياء بشكلوا قلب الحياة النابض بالضيعة. من بعد ما عملنا مشوار على ضيعة جزين، مشوارنا اليوم على عروسة الشمال القبيات لنتعرف على هل ضيعة المميزة.

١. بلشوا نهاركن بأطيب مناقيش على التنور بوادي عودين، على طريق عندقت واتأملوا جمال الطبيعة

٢. اشربوا أطيب فنجان قهوة عند كوبا كافي بالساحة

الرقم: 840 351 06

٣. زرورا مزار مار شليطا وتعرفوا على تانت لوريس لي رح تهتم فيكن وضيفكن قمح وقهوة

٤. زوروا غابة كرم شباط وتأملوا جمال الطبيعة

٥. روحوا على وادي حلسبان وعملوا تمشاية على دروب المشي بالضيعة وتفرجوا على الأشجار المعمرة والآثار

٦. زوروا كرخانة الحرير لي كانت تعتبر أكبر معمل حرير بالشرق الأوسط وتفرجوا على الهندسة العظيمة وشاركوا بالنشاطات الثقافية

٧. زوروا كنيسة سيدة كماع بالجرد القاعدة بين الوديان والكاشفة على منظر بانورامي ساحر

٨. زوروا غابة الصنوبر وعيشوا لحظات سلام وتأمل

٩. كلوا أطيب سفرة بقمة بالجرد عند مطعم هيكل الشنبوق لي بقدملكن أطيب لقمة بلدية ومشروب شغل ديات عمو هيكل (الحجز مطلوب)

الرقم: 184 686 81

١٠. أو كلوا أطيب سفرة لبنانية ومازة على رمرمية مع قعدة بطول العمر وخدمة ممتازة عند مطعم ديوان الوادي

الرقم: 519 488 03

١١. للجماعة لي عبالن لقمة على السريع فيهن يحولوا عند حطبة ونار أول الضيعة ويستمتعوا بالspécialité المشهورة بالضيعة، الشاورما على التنور: شي كتير طيب

الرقم: 798 758 03

١٢. اكتشفوا البرج العتيق يلي كان يستخدم لمراقبة المنطقة وتحول لبرج مراقبة الحرايق

١٣. زوروا متحف الفراشات بدير الأباء الكرمليين لي بضم كل أنواع الفراشات والطيور

الرقم: 004 350 06

١٤. قضوا نهار على البيسين بKobayat Country Club واستمعوا بالطقس الحلو

الرقم: 143 838 76

١٥. زوروا حديقة رزق الله معيكي للحيوانات الغريبة لي بتحتوي على حوالي ٢٥٠ حيوان من ٢٥ صنف من لبنان والخارج، وتعتبر الوحيدة من نوعها بالشمال

الرقم: 324 609 03

١٦. تفرجوا على الشلال المخبى بالطبيعة

١٧. زوروا كنيسة سيدة شحلو لي تحولت من معبد فينيقي لكنيسة بتشبه لوحة فنية ومحاطة بالشجر وزهور التوليب

١٨. تفرجوا على مغيب الشمس من الجرد وخدوا أجمل الصور التذاكرية

١٩. اكتشفوا جمال الecodome Halsouba لي ما رح تلاقوهن غير بهل ضيعة الأسطورية

٢٠. كلو أطيب لقمة وقت العشا بمطعم المرغان القاعد على راس الجبل ولي بيتمتع بفيو بطير العقل

الرقم: 403 324 03

٢١. إذا عبالكن لقمة إيطالية، ميلوا على مطعم زهرتوني لي بيتفنن بتحضير الباستا الorganic مع أطيب الخلطات وبيتمتع بقعدة بتاخد العقل

٢٢. إذا عبالكن تقضوا ليلة بهل ضيعة الحلوة، فيكن تناموا ببلوط كامبينغ BALLOOT Camping Site بحضن وادي حلسبان الساحر الجمال

الرقم: 929 146 76

٢٣. أما إذا عبالكن قعدة ببيت حجر بنص الغابة، فيكن تقضوا ليلة بطول العمر بJabalna Ecolodge

الرقم: 935 542 03

٢٤. أو فيكن كمان تستمتعوا بالطبيعة على الآخر ببيت حجر عتيق قاعد بين الشجر عند Graneroverde Resort

الرقم: 347 473 70

لتعرفوا أكتر عن ضيعة القبيات شوفوا معنا: جبلنا إيكولوج، عبارة عن بيت حجر ساحر بالقبيات وتعرفوا كمان على مطعم زهرتوني لي بيعمل أطيب معكرونة إيطالية بلبنان.