يلا عالفلافل: أطيب ٩ محلات فلافل بالجنوب

جايي عبالكن فلافل؟ و نحنا كمان! مشوا معنا على ٩ محلات فلافل بالجنوب كتير طيبين.

١- فلافل أبو رامي – صيدا

من ال ١٩٨٨ و هيدا المحل الكلاسيكي بصيدا بقدم فلافل طيبة و مقرمشة عذوقكن.

رقم التلفون: ٨١٠٠٧٧٧٢/٣

٢- مطعم الباشا – صيدا

لازم تجربوا، فلافل بتطير العقل وع الأصول من عند الباشا. حتى عندن فلافل مخبوزة ضروي تذوقوها و فوقن صوص الطاراطور المعروفة عنها أديش طيبة.

رقم التلفون: ٧٦٨٤٩٢٢٢

٣- فلافل العجمي – النبطية

مطعم أساسي لكل محبي الفلافل، عندن الفلافل مقرمشة ومغرقة بالطحينة و الطعمة الخضرا الطازة.

رقم التلفون:٧٠٧٦٤٨٥٠

٤- مطعم ڤيجي – دير الزهراني، النبطية

بقدموا الفلافل بطريقة مميزة بتاخدكن ع عالم تاني. ما ح تقدروا تقاوموا أقراص الفلافل المحشية بالمكسرات و الخضرا، أو حتى الجبنة!

رقم التلفون: ٨١٨٨٩٩١٤

٥- فلافل عكاوي – صيدا

ريحة الفلافل المقلية الطيبة عم بتفوح من عندن من سنة ال١٩٥٠. ما تنسوا تجربوا هيدا المحل لبيفتح النفس كل ما تكونو بصيدا.

رقم التلفون: ٠٧٧٢٣٤٠١- ٧٦٨٨٩٥٦٧

٦- فلافل سمحات – صور

هيدا المحل للفلافل مهضوم ولذيذ لأشهى الفلافل المبهرة والحرّة.

رقم التلفون: ٧١٥٦٦٤٨٨

٧- فلافل الأرناؤوط

مطعم تقليدي و أصيل بالنبطية لكل حدن خاطر عبالو فلافل. صرلوا فوق ال ٦٠ سنة بقدم فلافل بتشهي و ع الأصول بكل حبّ!

رقم التلفون: ٧١٤٣٠٩٠٠

٨- فلافل موريس ١٩٦٦- مرجعيون، النبطية

حلّوا مشواركن ع مرجعيون أكتر و أكتر بهيدا المحل التراثي للفلافل المعروف بالمنطقة. الفلافل من عندن إلها طعمة ما بتنتسى.

رقم التلفون: ٠٧٨٣١٢٦٩

٩- بواب – صور

فلافل شهية ريحتها بتطير العقل! مغرقة بصوص الطراطور ومقدمة مع خضرا طيبة، كتير ح تحبوا المحل.

رقم التلفون: ٠٧٣٤٨٤٤٢

شوفوا كمان: دليلكن لأطيب مطاعم برغر بالجنوب: ٩ مطاعم برغر لازم تجربوها.