١٠ شغلات كل عمة لبنانية بتحبها وبتتسلى فيها

عمتكن اللبنانية هي النسخة الأقوى عن ستكن و بيكن مجموعين مع بعض. بين تعصيبها و مزحها، فيه كتير شغلات بتحب تعملها و تتسلى فيها متل انو تعيط عليكن وكتير قصص غير عم تتخايلو؟ شوفوا ١٠ شغلات عمتكن اللبنانية بتحبها و بتتسلى فيها. ١- متابعة جقجقات و دراما العيلة هي المصدر الأول لآخر الاحداثيات و الأخبار بالعيلة، بتعرف الصغيرة قبل الكبيرة و ما بتقصر لما تخبركن كل شي (بس بتقلكن ما تقولوا لحدا) ٢- ابعاد الحسد و صيبة العين عنكن وخمسة بعيون الحاسدين. ما في أقوى من عمتكن بخبريات إبعاد الحسد. مستعدة تعملكن صبّة و تحطلكن خرزة زرقا لمهم حاميتكن من العين ٣- تحاول تزبطكن مع ولاد وبنات عمومتكن “ليكي ابن عمك، شاب رايق ومحترم و من العيلة ما رح تلاقي متلو”، ما بتحبكن تفتشوا لبعيد و حابي تخلي خبرية الزواج بالعيلة ٤- المسلسل التركي يلي بتحبو الأفضل ما حدن يتنفس هي و عم تحضرو لأنو كتير مهم عندها تعرف إذا البطل اعترف بحبو بهيدي الحلقة أو بالجزء العاشر ٥- القهوة، البزر، و علبة الدخان مع قعدة البرندا الصبح أو الضهر و الجيران كلن حوليها لينقلوا آخر أخبار الحي، اقعدوا معن وبضيفوكن أطيب قهوة وبخبروكن خبريات كل المنطقة ٦- انو تسمع “انتو كتير طالعين لعمتكن” بتحس حالها فخمة و فخورة بولاد إخواتها انن نسخة عنها لأن ما حدن بيفهم أدها بالعيلة ٧- الوصفات الطبيعية الطبية والتجميلية وبتعجقها زيت زيتون و عسل و زهورات و مي ورد و شوربة عدس. هيدول هني أسلحتها الجبارة ضد أي دوا أو حكيم، ما حدن بيقدر عليها ٨- قراية الفنجان والتبصير “هاي الطريق يلي عم تشوفيها هون يعني جايي رزقة، يا مصاري أو عريس” ٩- قعدات العيلة يوم أحد عاجقيتها أكل و ما تركت حدن إلا ما بوستو ٦٠ مرة ١٠- تشتريلكن بيجامات نوم أحب شي ع قلبها تهديكن بيجامات ليوم البيجامات، عندها هيدا الشي فيها و ما بيتغير شوفوا كمان: ١٣ شغلة ما فيكن تخبوها عن أهلكن اللبنانية.