لقينا ٨ مطاعم ببرمانا مع قعدة بتطير العقل

برمانا مزيج من التراث اللبناني، الثقافة، الأكل الطيب، القعدة الرايقة والورود وسميت “مدينة الورود” لأنها غرقانة بالورود، بتمشوا بالشوارع الأثرية بتتفرجوا على البيوت العتيقة والورود المعلقة والأعشاب المنددلة. بتجمع برمانا بين حياة الضيعة التقليدية وحياة المدينة وبتتمتع بأجمل المطاعم بالبلد. من بعد ما شفنا ه مطاعم ببعقلين مع قعدة بطير العقل، اليوم رح نكفي مشوارنا على برمانا المليانة حياة لنخبركن شوي عن هل منطقة ونستكشف سوا أجمل المطاعم الموجودة بأحضان مدينة الورود ونتعرف على مميزات كل محل.

١. منير، برمانا

من دون شك من أجمل المطاعم الجبلية بلبنان، ويعتبر الملجا الأمين من شوبات المدينة، فيكن تستمتعوا ببرودات الجنينة، تاكلوا على التراس وتتفرجوا على المناظر الحلوة وترجعوا تبوردوا تمكن بلقمة فواكي مسقعة.

الرقم: 900 873 04

٢. قصر فخر الدين، برمانا

قصر فخر الدين من أجمل المطاعم الأثرية بلبنان، بيتمتع بمنظر متل حكايات الخيال، بتوصلوا بتطلعوا على الدرج التراثي تحت القناطر وبتسمعوا أغاني فيروز وبتشموا ريحة الأكل الطيب وبتحنوا لإيام زمان. هل مطعم رح يرجعكن بالذاكرة لزمن الماضي الجميل وإيام فخر الدين وجدودنا، رح تلاقوا قناطر من حجر، ملفوفة بالزهر وجرة مي وعين وقعدة لبنانية تراثية. بقدم هل محل مازة لبنانية على الأصول والكمية كتير كريمة، القعدة مريحة والطعمة بطير العقل.

الرقم: 387 961 04

٣. بيكنيك باي لوريس Picnic By Loris

محل مخصص للبيكنيك بعيد عن ضجة وعجقة المدينة، بيتمتع بمنظر بياخد العقل وقعدة بترد الروح. بس توصلوا عند لوريس رح تحسوا بالسحر الموجود والجمال يلي بتعجز الكلمات عن وصفو: شجر، طاولات وكراسي ملونين، جنينة، منظر رائع، قعدة بفيّات الشجر، مشروب وعصير، ورود وأكل كتير طيب. هل بيكنيك فيو يكون المفاجأة الرومانسية يلي عم تحضروها لحبيبك لأن ما في أحلى من هيك قعدة رومانسية مع شوية حب وصور حلوة. أو فيكن تجوا مع أصحابكن وتعملوا ذكريات حلوة وفيكن كمان تجوا تقضوا نهار ما بينتسى مع العيلة والولاد.

الرقم: 174 555 71

٤. كوبا غريل Copas Grill

مين بحب يجرب مطبخ جديد؟ كوبا غريل Copa Grill مطعم متخصص بالمطبخ الميكسيكي وعندو قعدة حلوة كتير والتاكوس والبيتزا عندو معمولين على الأصول. هل مطعم كمان مناسب لقعدة رومانسية، قعدة التراس برا مليانة زهر مع ديكور مهضوم وأجواء مكسيكية.

الرقم: 999 963 24

٥. أبو إميل

من أجمل المطاعم الموجودة ببرمانا، الكل بيقصدوا من ورا أكلو الطيب وقعدتو الحلوة. أبو إميل عبارة عن مطعم ساحر بقدم أطيب الأطباق اللبنانية، القعدة عندو برا مثالية بين الزهور والشجر مع منظر بياخد العقل.

الرقم: 222 264 71

٦. قهوة الست

كافي قهوة الست موجود بالقلب النابض للمنطقة بقدم مأكولات لبنانية وعالمية وعندو قعدة كتير مريحة ومهضومة، هل محل مناسب لجمعة كبيرة مع الأصحاب أو العيلة ومحبي الأرغيلة رح يكونوا مبسوطين لأن القعدة عندو شرقية أصيلة.

الرقم: 461 861 24

٧. أبيتيتو تراتوريا Appetito Trattoria

عند أبيتيتو، رح تلاقوا أشهى صحون الباستا الإيطالية التقليدية يلي بتتقدم بجو دافي ومريح وقعدة بتخلي قلبكن يدق. بحضر هل محل تشكيلة واسعة من الباستا المعمولة بصوصات مختلفة رح تاخدكن على رحلة ممتعة على إيطاليا متل السباغيتي بولونياز، الروكوتا بالسبانغ والمعكرونة مع صلصلة البيستو الشهية.

الرقم: 500 568 03

٨. مشروع كافي

مطعم موجود بأوتيل برينتانيا، بيتميز بقعدة ساحرة على التراس مع موسيقى وأضوية خافتة ومصابيح والبرودات الحلوين. بتوصلوا بتلاقوا القعدة الحلوة ناطرتكن وبتطلبوا أكل على ذوقكن وبتتمتعوا بالقعدة مع المشروب الطيب والرفقة الحلوة.

الرقم: 444 755 71