مطعم هوا جرجوع: قعدة بالجنوب بين السما والجبل رح تسحركن

جرجوع منطقة مميزة بجنوب لبنان، موقعها بأسفل جبل مليتا وبتوصل بعض مرتفعاتها لل 1100م. بتشرف على منطقة واسعة من الجنوب اللبناني حتى الجليل الأعلى، لدرجة بتقدروا تشوفوا منها منارتي صور وحيفا بالليل. واجهتها الشرقية بتطل على نبع الطاسة يلي بينبع من وادي جرجوع وبغزي ستين قرية معظمها بقضاء النبطية.

مشوار اليوم ح يكون على “هوا جرجوع“، مطعم للأكل اللبناني مع قعدة بتطير العقل وبترد الروح، محاوطه بسفوح الجبل ووادي جرجوع والسما الزرقا. كفوا معنا لتعرفوا اكتر.

المطعم بيتميز بجلسة تراس إلها إطلالة مهيبة، مطرح بتتصل في السما بالجبل والغيوم مصفوفة جنب بعضها، بمد فيها الخضار والشجر لأبعد ما بتشوف عيونكن.

القعدة جوا فيها طابع دافي وطراز كلاسيكي من خشب، مطرح واسع ومثالي لضهراتكن مع العيلة أو الأصحاب، لتنبسطوا و تشموا هوا جرجوع.

فيكن تجمعوا ب هوا جرجوع اللقمة الطيبة والطلة الحلوة بمطرح واحد. بقدم المطعم الأكل اللبناني التراثي يلي كلنا منحبوا ، معمول على الأصول و تقديمو كتير مميز وفني. شو بعدكن ناطرين؟

جيبوا أصحابكن و جربوا وخبرونا!

رقم التلفون: ٠٧٥٣٥٤٢٧

تعرفوا كمان على مطعم ديوان الوادي بالقبيات: لقمة طيبة وقعدة من العمر.